गटारगल्लीतल्या गोष्टी या पुस्तकातल्या प्रत्येक गोष्टीचा जन्म एकाच जागेवर झाला आहे — दबलेपणाच्या गर्भात.
इथे नुसता नंगा माणूस आहे. त्याच्या अंगावर बेड्या आहेत, त्याच्या आत्म्यात जळजळ आहे.
या संग्रहातले पात्रं म्हणजे समाजाच्या मागे फेकलेली, पण तरीसुद्धा जगणारी माणसं आहेत.
गंगूबाई, झोपडीतली मशी, देवदासी, मोर्चातली चप्पल, आणि मेला तो…
मी इथे कोणाचं रक्षण करत नाही, ना मी इथे कोणाच्या नादाला लागलोय.
मी इथे फक्त आरसा ठेवतोय – तोही गटारगल्लीतला.
तो बघ,माणूस बुडालेला दिसतोय… आणि विद्रोह उगम पावताना दिसतोय.
हे पुस्तक ह्या विद्रोहाची गाथा आहे.
वाचणाऱ्याच्या काळजावर ओरखडे पडले, तर ते यश आहे.