Yeh naatak aaj ke yug ki maang hai. Aaj har kshetra mein hamari bahu-betiyan asurakshit hain. Ek naari ki peeda ko naari behtar samajh sakti hai. Aaj pratyek naari ko naari ki madad ke liye aage aana hoga. Aise mein jarurat hai pratyek naari ko majboot banane ki. Uske ander anyaaya ke khilaf ladne ki taakat bharne ki.

Kai ghatnaayein humein aahat karti hain. Hridaya ke us kaune ko sparsh karti hain, jahan vedna viraajmaan hoti hai. Vasant Vihar wali ghatna ne pure desh ko jhakjhor kar rakh diya. Nirbhaya hamare beech nahi rahi parantu vah jakhm, vah ghaava ab bhi hare hain. Yeh naatak meri taraf se Nirbhaya ko ek bhaavbhini shradhanjali hai. Mere liye is natak ki prerna Nirbhaya hai. Nirbhaya ne pure desh ko himmat di. Dukh aur peeda mein lad gujrane ke jajbe ko pure desh ne salaam kiya. Vah swayam ke liye ladi isliye...