માનવ શરીરમાં કુંડલિની શક્તિ અથવા બ્રહ્માંડીય ઉર્જાનું જાગૃત થવું એ એક વિરલ અને અસાધારણ ઘટના છે જે આધુનિક વિજ્ઞાનના તર્ક અને બુદ્ધિગમ્ય અથવા તર્કસંગત અભિગમથી વિરુદ્ધ હોવાનું જણાય છે. લેખકે આ પુસ્તકમાં તેમને આ શક્તિના થયેલ પ્રત્યક્ષ અનુભવોનું વિગતથી વર્ણન કર્યું છે.
આ બ્રહ્માંડીય ઉર્જા આપણા શરીરમાં જાગૃત થવાથી આપણને કેવા અનુભવ થઇ શકે તે વિષે આ પુસ્તકમાં રસપ્રદ જાણકારી આપવામાં આવી છે. આથી, આ પુસ્તકના અમુક ભાગોમાં પ્રસ્તુત કરેલ સાહિત્ય વિરલ છે અને આશ્ચર્યજનક પણ છે. આ પુસ્તકમાં માનવજાતિના અસ્તિત્વ સબંધી ગહન પ્રશ્નોની પણ વિસ્તૃત ચર્ચા કરવામાં આવી છે.
વાચકોની ધર્મ, તત્વજ્ઞાન, સંસ્કૃતિ, વ્યવસાય અને શૈક્ષણિક પાર્શ્વભૂમિકા ગમે તે હોય, આ પુસ્તક સમગ્ર માનવ સમાજને કેન્દ્રમાં રાખીને રચવામાં આવ્યું છે. આ પુસ્તકના માધ્યમ દ્વારા કરવામાં આવેલ કેટલાક રહસ્યોદઘાટન શાશ્વત શાંતિ અને સુખ પ્રાપ્ત કરવા માટેની સાધના કરતા પ્રત્યેક વ્યક્તિને નિઃશંક રીતે સહાયરૂપ થશે.