நம் அருமைச் செல்லப் பிள்ளையைப் பள்ளிக் கூடத்திற்கு அனுப்புகிறோம். பள்ளிக்குச் சென்ற மறுநாளே தனியாக இருக்கும்போது அந்தப் பிள்ளை வாய்க்குள் சில பாடல்களை இசையோடு பாடுவதைக் காண்கிறோம். "எங்கே, பாடு!" என்று நாம் ஊக்கப்படுத்தினால், அது நடிப் போடு ஆசிரியை சொல்லிக் கொடுத்தபடி மழலை மொழியில் பாடிக்காட்டும்போது பெற்றவர் உள்ளமெல்லாம் களி கொள் ளுகின்றது; துள்ளி மகிழ்கின்றது.
"இரண்டே நாளில் என் கண்மணி எவ்வளவு கற்றுக் கொண்டு விட்டது" என்று பெருமைப்படுகின்றோம்.