భారతీయ వాఙ్మయములో ఆది కావ్యము రామాయణం. ఇది సంస్కృతములో వాల్మీకి మహాముని రచించాడు.రామాయణం త్రేతాయుగము నాటిది
నారద మహర్షి వాల్మీకితో " మహాకవి, అలాంటి లక్షణాలున్న మహానుభావుడు వున్నాడు. అతని గురించీ తెలియజేయడానికే నేను వచ్చాను,విను " అంటూ శ్రీరామచంద్రుని చరిత్రను మొత్తం తెల్పాడు. ఈ కథను రాయవలసిందిగా కోరాడు. అందుకు వాల్మీకి సన్నధుడై, శ్రీమహారామాయాణ కావ్యాన్ని సంస్కృతములో రచించాడు. ఈ కావ్యము 7 ఖండాలతో మొత్తము 24వేల శ్లోకములు కలిగివున్నది. ఇది అన్ని భాషలలో అనువాదము కావింపబడి, లోకప్రసిద్ది పొందింది.