I am a traveller, photographer and freelance writer located in Karnataka, India. This work is a collection of stories written by me in Kannada.
ನನ್ನೂರು ಸಾಗರ.ರಜೆ ಸಿಕ್ಕಾಗೆಲ್ಲಾ ಹಳ್ಳಿಗಳ ನೆಂಟರ ಮನೆ, ಗುಡ್ಡ,ಕೋಟೆ,ದೇವಸ್ಥಾನ, ಜಲಪಾತಗಳ ಸುತ್ತೋದು ನನ್ನ ಹವ್ಯಾಸ. ಅದೆಷ್ಟೋ ಏಕಾಂತದ, ದೂರದೂರಿನ ಪಯಣಗಳಲ್ಲಿ, ಚಾರಣಗಳ ಸಂದರ್ಭಗಳಲ್ಲಿ, ಮನೆಯಲ್ಲಿನ ಬಿಡುವಿನ, ಬೇಸರದ ವೇಳೆಗಳಲ್ಲಿ ನೆನಪಾಗೋ ಗೆಳೆಯರಲ್ಲಿ ಪುಸ್ತಕಗಳೂ ಒಂದು. ಅಚಾನಕ್ಖಾಗಿ ನಮ್ಮ ಕಲ್ಪನಾಲಹರಿಯನ್ನು ಬೇರೆ ಲೋಕಕ್ಕೆ ಕೊಂಡೊಯ್ಯೋ ಇವೆಂದರೆ ಅದೇನೋ ಸೆಳೆತವೆನಗೆ. ಅನೇಕ ಬಾರಿ ಇವುಗಳ ಒಡೆನಾಟದಲ್ಲಿದ್ದಾಗ ನನ್ನ ತಾಕಿದ ಭಾವತರಂಗಗಳಿಗೊಂದು ರೂಪ ಕೊಡೋ ಹಂಬಲವಾಗುತ್ತಿತ್ತು. ಹೀಗೇ ಎಲ್ಲೋ , ಎಂದೋ ಕಾಡಿದ ಅವೆಷ್ಟೋ ಮನದಾಳದ ಭಾವಗಳು, ಪದಗಳ ಆಕಾರ, ಅಂಗಿ ಚೆಡ್ಡಿ ಪಡೆದಿದ್ದು ಕಥೆಗಳಾಗಿ. ಆ ತರಹ ಸುಮಾರು ವರ್ಷಗಳ ಕಾಲ ಬರೆದ ಬಿಡಿ ಬಿಡಿ ಕಥೆಗಳ ಒಂದೆಡೆ ಸಂಗ್ರಹಿಸೋ ನನ್ನ ಮೊದಲ ಪ್ರಯತ್ನವೇ ಈ "ಪ್ರಶಾಂತವನ" ಎಂಬ ಕಥಾಗುಚ್ಛ.