അവളുടെ കഥ: മൗനം മറച്ച സത്യം

നീതിയില്ലാത്ത പഴയ കഥകളെയും, അടിച്ചമർത്തപ്പെട്ട ചരിത്രത്തെയും മുത്തശ്ശിയുടെ ഓർമ്മകൾ കൊണ്ട് തിരുത്തുന്ന വിപ്ലവകരമായ കാവ്യാത്മക യാത്ര.

നൂറ്റാണ്ടുകളായി, സ്ത്രീത്വത്തിന്റെ ശക്തി മനഃപൂർവം നിശബ്ദമാക്കപ്പെട്ടു. വാളുകളിലൂടെയും, വിശുദ്ധ ഗ്രന്ഥങ്ങളിലൂടെയും, ആചാരങ്ങളിലൂടെയും അവളുടെ ഗർഭപാത്രം നിയന്ത്രണത്തിൻ്റെ ഒരു പ്രദേശമായി മാറി, അനുസരണയാണ് പുണ്യം എന്നവൾ പഠിപ്പിക്കപ്പെട്ടു. എന്നാൽ, കാലം മറച്ചുപിടിച്ച ആ ചരിത്രം ഓർത്തെടുക്കാൻ ഈ പുസ്തകം ധൈര്യപ്പെടുന്നു.

ഒരു മുത്തശ്ശിയും പേരക്കുട്ടിയും തമ്മിലുള്ള ശാന്തമായ സംഭാഷണത്തിലൂടെ, നിശബ്ദമാക്കപ്പെട്ട ഓർമ്മകളെ "അമ്മൂമ്മ" വീണ്ടും ഉണർത്തുന്നു. ഇന്നത്തെ ഓരോ സ്ത്രീയും ഉള്ളിൽ പേറുന്ന മറഞ്ഞിരിക്കുന്ന മുറിവുകളെ എങ്ങനെ രൂപപ്പെടുത്തുന്നു എന്നും, നഷ്ടപ്പെട്ട ചരിത്രം വീണ്ടെടുത്തുകൊണ്ട്, ഭയത്തിൽ വേരൂന്നിയതല്ലാത്ത, സ്വാതന്ത്ര്യത്തിലും സ്നേഹത്തിലും അധിഷ്ഠിതമായ ഒരു ജീവിതം എങ്ങനെ വീണ്ടും കണ്ടെത്താമെന്നും വെളിപ്പെടുത്തുന്നു.

ഓരോ സ്ത്രീകളുടെയും മൗനത്തിനുള്ളിൽ ഒളിഞ്ഞിരിക്കുന്ന ഒരു ചരിത്രമുണ്ട്.
ആ ചരിത്രം പുസ്തകങ്ങളിലില്ല — ശരീരത്തിലൂടെയും രക്തത്തിലൂടെയും തലമുറകളിലൂടെയും രഹസ്യമായി പകര്‍ന്നുകൊണ്ടിരിക്കുന്നതാണ്.

ഒരിക്കൽ അവൾ ലോകത്തിൻ്റെ കേന്ദ്രമായിരുന്നു —
ജീവൻ, ജ്ഞാനം, സ്നേഹം എല്ലാം അവളിൽ നിന്നാണ് ഉരുത്തിരിഞ്ഞത്.
പിന്നീട്, അവളെ മറന്നു.
അവളുടെ ശബ്ദം നിശ്ശബ്ദമാക്കി.
അവളുടെ ജ്ഞാനം പാപമായി പ്രഖ്യാപിച്ചു.
അവളുടെ ശരീരം നിയന്ത്രണത്തിന്റെയും ധാർമ്മികതയുടെയും യുദ്ധഭൂമിയായി മാറി.

“അവൾ രണ്ടാമത്തവളായിരുന്നില്ല — അവളായിരു ഉറവിടം.”

ഈ കൃതി ആ ഉറവിടത്തിലേക്കുള്ള തിരിച്ചുപോക്കാണ് —
അവൾ നഷ്ടപ്പെട്ടപ്പോൾ മനുഷ്യസമൂഹത്തിന് എന്ത് നഷ്ടപ്പെട്ടു എന്ന തിരിച്ചറിവിലേക്കുള്ള യാത്ര.

കഥകളിലൂടെയും, മുറിവുകളിലൂടെയും, മറച്ചുവെച്ച ഓർമ്മകളിലൂടെയും സ്ത്രീത്വത്തിന്റെ യഥാർത്ഥ ചരിത്രം ഈ ഗ്രന്ഥം തുറന്നുകാട്ടുന്നു.

ഇത് ഒരു സ്മരണയല്ല,
ഒരു വിപ്ലവമാണ്.
മറക്കപ്പെട്ട അമ്മുമ്മമാരുടെ ശബ്ദം,
മൗനത്തിന്റെ ചങ്ങലകളിൽ പൂട്ടപ്പെട്ട സ്ത്രീകളുടെ ഓർമ്മ.

ക്ഷേത്രങ്ങൾ പണിയുന്നതിന് മുൻപ് അവർ ഗർഭപാത്രങ്ങളെ നിശ്ശബ്ദമാക്കി.
ദൈവങ്ങൾക്ക് പേരിടുന്നതിന് മുൻപ് അവർ അമ്മയെ മായ്ച്ചുകളഞ്ഞു.
എങ്കിലും, ശരീരം ഓർക്കുന്നു — അതിന്റെ ഓർമ്മയിൽ നിന്നാണ് സ്ത്രീ വീണ്ടും ഉയിർത്തെഴുന്നേൽക്കുന്നത്.

ഈ പുസ്തകം ആര്‍ക്കുള്ളതാണ്

• സ്വയം ചോദിക്കുന്ന സ്ത്രീകൾക്കായി — “ഞാനായിരിക്കുമ്പോൾ ഇത്ര വേദന എന്തിന്?” എന്ന ചോദ്യത്തിന്റെ മറുപടി തേടുന്നവർക്ക്.
• സ്ത്രീയുടെ കണ്ണുകളിലൂടെ മനുഷ്യചരിത്രത്തെ വീണ്ടും വായിക്കാൻ ആഗ്രഹിക്കുന്നവർക്കായി —
മറച്ചുവെച്ച സത്യങ്ങളെ തിരിച്ചറിയാൻ ധൈര്യപ്പെടുന്നവർക്കായി.
• സാമൂഹികവും ആത്മീയവുമായി പരിണമിക്കുന്ന മനുഷ്യന്റെ കഥ മനസ്സിലാക്കാൻ ആഗ്രഹിക്കുന്ന ഏവർക്കുമായി —
മാറ്റത്തിന്‍റെ വേരുകൾ കാണാൻ തയ്യാറുള്ളവർക്കായി.