"मातीकडून मोक्षाकडे" हे पुस्तक एका स्त्रीच्या वैविध्यपूर्ण अध्यात्मिक प्रवासाचे अवलोकन आहे. आर्किटेक्ट, पॉटर अथवा कुंभार ते साधक या स्थित्यंतरातून जातांना शिक्षण, प्रवास, कुटुंब, प्रेम, ताटातूट याप्रसंगी अनुभवलेल्या गोष्टी दैनंदिन जीवनात भक्तीपरंपरेशी कशा गुंफत गेल्या याचे हे वर्णन आहे. भारतीय संस्कृतीत रुजलेल्या वातावरणात श्री ज्ञानेश्वरीच्या मार्गदर्शनाखाली घडत, बदलत गेलेल्या जीवनाचे चित्रीकरण वाचकालाही जरा थांबून, नियंत्याला शरण जाऊन जीवनाकडे परत पहायला उद्युक्त करेल. आपण कला जोपाजत असाल, अध्यात्म शोधत असाल किंवा छोट्याश्या गोष्टीत सौंदर्य शोधत असाल, "मातीकडून मोक्षाकडे" हे पुस्तक आपल्या हातांस, हृदयास आणि आत्म्यास थेट जाऊन भिडेल.