महाराष्ट्राचे प्रेरणास्थान छत्रपती शिवाजी महाराज! आपण त्यांच्या पराक्रमाच्या कथा वाचल्या, ऐकल्या आणि पाहिल्या आहेत. पण तरीही शिवरायांचे वेगळेपण अधोरेखित करताना काही गोष्टी पडद्यामागे राहून जातात. शिवाजी महाराजांविषयी जाणून घेताना अशी अनेक नावं आहेत जी इतिहासाच्या असंख्य पानांमध्ये आणि त्यानंतर विस्मरणात हरवून गेली. त्यांचे डावपेच, नियोजन, आणि वर्तमानाच्या पलीकडचा विचार करण्याची पद्धत नेमकी काय होती याचे उत्तर शोधण्याचा प्रयत्न सदर पुस्तकात केला आहे. फक्त एक राजा आणि शासकच नव्हे तर एक व्यक्ति म्हणून शिवाजी महाराज कसे उठून दिसतात हे सांगताना काही प्रसिद्ध घटना देखील विचारात घेतल्या आहेत तरी त्या घटनांमागील काही अज्ञात सत्य आणि तथ्य या पुस्तकात ठळकपणे मांडली आहेत.