எழுத்தாளர்களை அரசியல் அறச்சீற்றம் எதுவும் இல்லாமல் வெறும் கற்பனைப் புனைவுகளுடன் சுவாரசியத்தைக் கொடுப்பவர்கள், அரசியல் அறச்சீற்றம் மட்டுமே மேல் ஓங்கி இருக்கும் வாசிப்பு அனுபவத்தைத் தருபவர்கள் , கற்பனை அரசியல் எதுவுமே இன்றி வெறும் வாசிப்பு அனுபவத்தை மட்டும் தருபவர்கள் என வகைப்பிரிக்கலாம். இவற்றிற்கு எல்லாம் அப்பாற்பட்டு நான்காவதாக ஒரு வகை உண்டு. இவ்வகை எழுத்துகளில் நீங்கள் எதைப் பார்க்க நினைக்கின்றீர்களோ அது கிடைக்கும். கற்பனைப்புனைவா .. அளவற்று இருக்கும்... அரசியலா ... கலைஞர்த்தனத்துடன் நிரம்பி வழியும் ... சுவாரசிய பொழுது போக்கு வாசிப்பனுபவமா... சும்மா கில்லி பட அளவில் இருக்கும். அந்த நான்காவது வகை எழுத்தாளார்தான் நமது நண்பர் டான் அசோக் அவர்கள். சமூக ஊடகப்பரப்பை உபயோகப்படுத்திக் கொண்டு தனது எழுத்தாளுமையை நிரூபித்த வெகுசிலரில் வீச்சு, அடர்த்தி இரண்டையும் தன் எழுத்துகளில் எளிதாக வசப்படுத்தி வைத்து இருக்கின்றார் டான் அசோக்.

-செல்வகுமார் வினையூக்கி