दिलीप कुमार झाक जन्म 04जनवरी 1969 ई. कें मधुबनी जिलाक बासोपट्टी प्रखंड अन्तर्गत उच्छाल (वनमाली झा टोल) गाममे भेल छनि।आरंभिक शिक्षा गाममे आओर उच्च शिक्षा काशी हिन्दू विश्वविद्यालयमे ग्रहण कयने छथि।श्री झा राजनीति विज्ञान आओर हिन्दी साहित्यमे स्नातकोत्तर छथि संगहि शिक्षाशास्त्रमे डिप्लोमा कयने छथि।
हिनक दूगोट कविता संग्रह 'अरुण स्तम्भ'आओर 'बनिजाराक देसमे' दूगोट उपन्यास 'दू धाप आगाँ' आओर 'सिराउर' प्रकाशित छनि।संगहि एकगोट कथा संग्रह 'अनुराग' आओर आलोचनात्मक पोथी 'यात्री-नागार्जुनक मिथिला' सेहो प्रकाशित छनि।
2011ई.सँ मैथिली साहित्यिक एवं सांस्कृतिक समिति,मधुबनीक मुखपत्र 'अरुणिमा'क संपादन क' रहलाह अछि।आनो पत्र-पत्रिकामे हिनक कथा,कविता,आलेख आदि प्रकाशित होइत रहैत छनि
हिनका मैथिली समाज रहिका द्वारा कविता संग्रह 'बनिजाराक देसमे' लेल यात्री पुरस्कार देल गेल छनि।2021ई.मे चेतना समिति, पटना द्वारा हिनक उपन्यास 'दू धाप आगाँ' के लेल डा.गणपति मिश्र साहित्य सम्मान प्रदान कयल गेलछनि।मिथिला समाज ट्रस्ट दिल्ली द्वारा हिनक पोथी सिराउरक लेल ज्योतिरीश्वर सम्मान देल गेलनि संगहि मैथिली कवितामे विशिष्ट योगदानक लेल बहुभाषी संस्था 'ग्लोवल लिटरेचर क्लब' नई दिल्ली द्वारा हिनका सम्मानित कयल गेल छनि।
सम्प्रति, मधुबनीमे रहैत,अध्यापन करैत भाषा साहित्यक सेवामे लागल छथि।
सम्पर्क सूत्रःआदर्शनगर कालोनी,नवटोली रोड,
मधुबनी-847211
मो-6207627509
ईमेलःdilipkumarjha4169@gmail.com