કાર્યમાં હસ્તક્ષેપ કર્યા વગર દોરવણી આપવી એ બહુ અઘરું કામ છે. દરેક એમ સમજે છે કે સલાહ આપવી જરૂરી છે અને આથી કામમાં અડચણ ઉભી થાય છે. પરંતુ, હસ્તક્ષેપ કરવો અને દોરવણી આપવી એ બન્ને અલગ છે. જે આ ભેદ સમજે તે સારથી. આવી વ્યક્તિ આપોઆપ આદર પામે છે. મહાભારતમાં શ્રી કૃષ્ણ પાંડવોને દોરવણી આપે છે, હસ્તક્ષેપ કરતા નથી આથી તે સારથી અને યુદ્ધ નથી કરતા એટલે મહાન.

આમ, આ પુસ્તકમાં લખાયેલી ટેબ્લેટ જેવડી સ્ટોરીઓ તમારા જીવનમાં હસ્તક્ષેપ કર્યા વગર તમારા વિચારોને દોરવણી આપશે. તમારા જીવનમાં ક્યાંક સારથી રૂપે સાથે આવશે એવી આશા.