"ସ୍ଵର୍ଣ୍ଣାଭ ସାଧନା" ଏକ ସାଧାରଣ ପୁରୁଷ ବା ମହିଳାଙ୍କର ଜୀବନ କାହାଣୀ ନୁହେଁ। ଏହା ଏକ ଜୀବନୀ ଏପରି ଏକ ବ୍ୟକ୍ତିତ୍ବର, ଯାହାକୁ ଆମ ତଥାକଥିତ ଶିକ୍ଷିତ ସମାଜରେ "କିନ୍ନର" ବା "ତୃତୀୟ ଲିଙ୍ଗୀ"ର ଆଖ୍ୟା ଦିଆଯାଇ ଅବହେଳା ଓ ଦୁର୍ବବ୍ୟବହାର ର ଶରବ୍ୟ କରାଯାଇଥାଏ। ରକ୍ଷଣଶୀଳ ସମାଜର ରକ୍ଷଣଶୀଳ ନୀତି ନିୟମ ସହ ସଂଘର୍ଷରେ ବିଜୟିନୀ ଭାବରେ ନିଜର ଅସାଧାରଣ ବ୍ୟକ୍ତିତ୍ୱର ପରିଚୟ ସୃଷ୍ଟି କରିଥିବା "ସାଧନା ମିଶ୍ର" ସମଗ୍ର ଭାରତୀୟ ସମାଜ ପାଇଁ ଏକ ଉଦାହରଣ। ସାଧନାଙ୍କର ଜୀବନ କେବଳ କିନ୍ନର ସଂପ୍ରଦାୟ ପାଇଁ ନୁହେଁ, ବରଂ ପ୍ରତ୍ୟେକ ଶୋଷିତ ଅବହେଳିତ ଓ ନିଷ୍ପେସିତ ମଣିଷ ପାଇଁ ପ୍ରେରଣାର ଉତ୍ସ।
"ସ୍ଵର୍ଣ୍ଣାଭ ସାଧନା" ଡକ୍ଟର ମଧୁମିତା ମୂଳିଆଙ୍କର କଲମ ମାଧ୍ୟମରେ ସାଧନା ମିଶ୍ରଙ୍କ ଜୀବନୀକୁ ପାଠକ ମାନଙ୍କ ନିକଟରେ ଉପସ୍ଥାପନ କରିବାର ଏକ ସାମାନ୍ୟତମ ପ୍ରୟାସ ଅଟେ।