கவிதையில் புதியவை பேசுதல் பாடுதல் எனும் மரபில் எழுதப்படுகின்ற கவிதைகள் இவை. தன் இயல்பில் உணர்ந்த காட்சிகளை ரசனை மனோபாவத்துடன் கவிதையாக்கியுள்ளார். நம் அனைவரின் வாழ்வியல் சம்பவங்களுடன் ஒன்றாகி விடுகிற சித்திரங்கள் பல உண்டு இந்த நூலில். முதல் தொகுப்பில் பல வகையான நிலப்பரப்பின் வண்ணங்களை தன் எண்ணப் பாங்கில் கவிதைகளாக்கியுள்ளார் . புகைப்படங்கள் தனித்த கவிதைகளைச் சொல்கிறது. முதல் முயற்சி எண்ணங்களும் ஒளிப்பட ஓவியக் கவிதைகளுமாகத் தன் பயணத்தைக் கவிஞர் துவங்கியிருக்கிறார்.