தமிழிற்கும் தமிழ்ப் பண்பாட்டிற்கும் புகழ் கூட்டும் தமிழிலக்கியங்களில் சிலப்பதிகாரம் தனிச்சிறப்புடையது.

அச்சிறப்பு வாழ்வியல் வரலாற்று நிகழ்ச்சிகளை யெல்லாம் ஒருங்கே சாறு திரட்டி பழரசமாக தவத்திரு குன்றக்குடி அடிகளார் அவர்கள், ”சிலம்பு நெறி” என்னும் சிறந்த தலைப்பில் தலைசிறந்த நூலாக அருளியிருக்கிறார்கள்.

மாபெரும் காப்பிய நூலான சிலப்பதிகாரத்திலுள்ள வாழ்க்கை நெறி கவி அரங்கங்களிலும், இலக்கிய மேடைகளிலும் செவிநுகர் கனியாகத் திகழ்கிறது.

அரிய, பெரிய தத்துவங்களை மிக எளிமையாகவும், தெளிவாகவும் அழகுடன் ”சிலம்பு நெறி” என்னும் இந்நூல் வாயிலாக அளித்தருளும் தவத்திரு குன்றக்குடி அடிகளார் அவர்களுக்கு மக்கட் சமுதாயம் மிகவும் கடமைப்பட்டிருக்கின்றது.

”சிலம்பு நெறி" என்னும் இந்நூலினை, நம் வாழ்க்கைக்கு ஒளியூட்டும் அறிவு விருந்தாக அளித்தருளும் தவத்திரு குன்றக்குடி அடிகளார் அவர்களின் பொன்னார் திருவடிகளை வணங்கி மகிழ்கிறேன்.