பாவேந்தர் என்றும் புரட்சிக்கவிஞர் என்றும் மக்களால் அழைக்கப்படும், மக்கள் கவிஞர் பாரதிதாசன் அவர்களின் இயற்பெயர் கனக சுப்புரெத்தினம் என்பதாகும்.
மகாகவி பாரதியாரின் கவிதைகளின் மீது ஏற்பட்ட அளவில்லாக் காதலினால், தன் பெயரை பாரதிதாசன் என்று மாற்றிக்கொண்டார்.
தமிழ், தமிழ்நாடு, தமிழர் வாழ்வு, மகளிர் முன்னேற்றம், தொழிலாலர் நலன், பகுத்தறிவு இவையே அவர்தம் கவிதைகளின் கருப்பொருளாக அமைந்தன.
மூடப்பழக்க வழக்கங்களில் மூழ்கி, கீழினும் கீழாய்ச்சென்ற தமிழரைக்கண்டு, சினம் கொண்ட தமிழன்னையே பாவேந்தரின் வடிவாய்ப் பிறந்தாள் என்றால் அது மிகையாகாது.