నా చేతి రాతలు అనేది, సృజనాత్మకమైన కవితల పుస్తకం ఇందులోని ఒక్కొక్క కవిత. మన జీవితంలో జరిగిన గతమును గుర్తు చేస్తున్నట్టుగా ప్రస్తుతమును కళ్ళకు కట్టినట్టుగా చూపిస్తుంది. ఈ పుస్తకంలోని పదాల కూర్పు సామాన్య ప్రజలకు సైతం అర్ధమయ్యే రీతిలో ఉంటుంది. ఈ పుస్తకంలో భావోద్వేగమైన, స్నేహపూర్వకమైన, ప్రేమానురాగాలతో కూడిన కవితలు, సమాజనికి ఉపయోగపడే సందేశాత్మకమైన కవితలు ఉన్నాయి.నేడు సమాజంలో జరుగుతున్న అరాచకాలను, అకృత్యాలను.. మొదలైన సంఘటనలను గూర్చి నోరు మెదపడానికి భయపడే జన సమూహంలో, వాస్తవాలు,నీరుగారిపోయి బయటకురాని కథలు ఎన్నో ఒక్కసారి ఆలోచించాలి.

“ కలము రాయని కావ్యాలెన్నో

అక్షరం తెలపని పదాలెన్నో

మౌనం పలకని మాటలెన్నో

గొంతు విప్పని గళములెన్నో

సమాజమా సమంజసమా..! “

అని ప్రశ్నించేది, నా కవిత్వం.

“ఎండిన చెట్టుకు రాలిపడే

ఆకు కాలము జీవితమూ..

ఊగుతూ ఆగుతూ

సాగుతుంది దాని పయనం ”

జీవితం అనేది సాఫీగా సాగిపోయే రహదారి కాదు. ఎన్నో ఒడిదుడుకుల కలయిక.

నా చేతి రాతలులో ఎన్ని కవితలు ఉన్నా “ఓ నేస్తమా” అనేది నా హృదయాన్ని హత్తుకున్న కవిత. ఈ పుస్తకాన్ని రాయడానికి నా మిత్రులే నాకు ప్రేరణ.