முன்னுரை
மருத்துவமும், சட்டமும் சமுதாயத்தின் இரண்டு
கண் களைப் போல இந்த இரண்டு கண்களின் நோக்கம்
மக்களின் நல்வாழ்வை உறுதிப் படுத்துவது என்பதாக
இருத்தல் வேண்டும், கண்கள் இரண்டாயினும் காட்சி
ஒன்றுதானே, இரண்டு கண்கள் இரண்டு காட்சி காண
இயலாது. அவ்வாறு காண முயன்றால் அவ்வாறு கண்ணுக்கு
தெரிந்தால் மூளையில் ஏதோ கோளாறு என்று பொருள்,
எனவே மருத்துவமும் சட்டமும் ஒன்று இணைந்து இயங்கி
மக்களின் நல்வாழ்வினை உறுதி செய்ய வேண்டும்.ஒரே முகத்தில் இரண்டு கண்கள் அருகருகே இருந்தாலும்
ஒரு கண் மற்றொரு கண்ணைப் பார்ப்பதில்லை. அது ஒரு
கண்ணாடியின் மூலமாகவே ஒன்றையொன்று பார்த்துக்
கொள்கின்றன. அது போன்றே மருத்துவமும், சட்டமும்
சமுதாயம் என்கிற கண்ணாடியின் வழியாகவே
ஒன்றையொன்று காணுதற்கு இயலும். சமூதாயத்தில் அவை
சிறந்த மக்கள் நல காவலனாக இயங்க வேண்டும். அவ்வாறு
இயங்குவதற்கு அவைகளுக்குள் ஒரு ஒருங்கிணைப்பு
தேவையானதாகும்.