ಜಿ. ಗಂಗಾಧರಯ್ಯನವರು ಕಡೆ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದಲ್ಲಿ ವಿಭಾಗೀಯ ಸಾರಿಗೆ ಅಧಿಕಾರಿಯಾಗಿ ನಿವೃತ್ತಿಯಾದವರು. ತುಸು ಹೆಚ್ಚೇ ಎನಿಸುವಷ್ಟು ಕನ್ನಡದ ಪ್ರೀತಿಯನ್ನು ಹೊಂದಿದ್ದವರು. ತಮ್ಮ ಮಕ್ಕಳನ್ನು ಕನ್ನಡ ಮಾಧ್ಯಮದಲ್ಲಿಯೇ ಓದಿಸಿದವರು. ಕನ್ನಡ ಪುಸ್ತಕಗಳ ದೊಡ್ಡ ಭಂಡಾರವೇ ಅವರ ಮನೆಯಲ್ಲಿತ್ತು.
ಕವನ, ಕಥೆ, ಲೇಖನ, ಪ್ರವಾಸ ಕಥನಗಳನ್ನು ಬರೆಯುವ ಹವ್ಯಾಸವನ್ನು ಇಟ್ಟುಕೊಂಡಿದ್ದವರು. ತಮ್ಮ ಕೆಲಸದ ಒತ್ತಡದ ನಡುವೆಯೂ ಕನ್ನಡ, ಇಂಗ್ಲಿಷ್ ಸಾಹಿತ್ಯವನ್ನು ಓದುವುದು ಅವರಿಗೆ ಮುದ ನೀಡುತ್ತಿತ್ತು. ಪ್ರವಾಸ ಕೈಗೊಳ್ಳುವುದು, ಮಿಮಿಕ್ರಿ ಮಾಡುವುದು, ಅವರ ಇತರ ಹವ್ಯಾಸಗಳಾಗಿದ್ದವು.