ಜೀವಧಾರೆ

Description

ಜೀವಧಾರೆಯ ಬಗ್ಗೆ

ಈ ಕಥಾಸಂಕಲನದಲ್ಲಿ ಒಟ್ಟು 13 ಕಥೆಗಳಿವೆ. ಇವು ಸುಮಾರು ಮೂರು ದಶಕಗಳ ವ್ಯಾಪ್ತಿಯಲ್ಲಿ ಬರೆದ ಕಥೆಗಳಾದರೂ, ಇಂದಿನ ದಿನಗಳಿಗೆ ಕೂಡ ಬಹಳ ಪ್ರಸ್ತುತವೆನಿಸುವ ಕಥೆಗಳು. ನಿಜವಾದ ಘಟನೆಗಳಿಂದ ಪ್ರೇರಿತವಾಗಿ ಅದಕ್ಕೆ ತಮ್ಮದೇ ಆದ ಕಥಾ ಚೌಕಟ್ಟನ್ನು ಒದಗಿಸಿದ್ದಾರೆ. ಭಾಷೆ ಬಹಳ ಸರಳವಾಗಿದ್ದು ಸುಲಲಿತವಾಗಿ ಓದಿಸಿಕೊಂಡು ಹೋಗುತ್ತದೆ. ಕಥೆ ಹೇಳುವ ವಿಧಾನ ಓದುಗರಲ್ಲಿ ಕೊನೆಯವರೆಗೂ ಆಸಕ್ತಿಯನ್ನು ಮೂಡಿಸುತ್ತದೆ. ಓದುಗರನ್ನು ಕಥೆಯಲ್ಲಿ ತಲ್ಲೀನರಾಗುವಂತೆ ಮಾಡುವ ಅವರ ಕಲೆ ಮೆಚ್ಚತಕ್ಕದ್ದೆ.

ಇದರಲ್ಲಿ ಕೆಲವು ಗಂಭೀರ ಕಥೆಗಳಾದರೆ ಕೆಲವು ಹಾಸ್ಯ ಕಥೆಗಳೂ ಇವೆ. ಕೆಲವು ಕಥೆಗಳು ಹೆಣ್ಣುಮಕ್ಕಳ ಸಮಸ್ಯೆಗಳ ಬಗ್ಗೆ ಮಾತನಾಡುತ್ತವೆ. ಅವರ ಬಗ್ಗೆ ಇರುವ ಹಳೆಯ ನಂಬಿಕೆ, ಮೌಢ್ಯಗಳನ್ನು ಪ್ರಶ್ನೆ ಮಾಡುತ್ತವೆ.
ಕೆಲವು ಕಥೆಗಳು ಕೋಮು ಸಾಮರಸ್ಯದ ಬಗ್ಗೆ, ಮನುಷ್ಯನಲ್ಲಿರಬೇಕಾದ ಮಾನವೀಯತೆ, ಆಶಾವಾದದ ಬಗ್ಗೆ ಮಾತನಾಡುತ್ತವೆ. ಒಟ್ಟಾರೆಯಾಗಿ, ಎಲ್ಲಾ ಕಥೆಗಳೂ ಸಹ ಬದುಕಿನ ಬಗ್ಗೆ ಆಶಾಭಾವವನ್ನು ಹುಟ್ಟಿಸುವುದರಿಂದ, ಪುಸ್ತಕಕ್ಕೆ ಇಟ್ಟ ಶೀರ್ಷಿಕೆ "ಜೀವಧಾರೆ" ಸೂಕ್ತವಾಗಿದೆ.

About the Author

ಸುಧಾ ಜಿ - ಇವರು ಕರ್ನಾಟಕದ ಚಾಮರಾಜನಗರ ಜಿಲ್ಲೆಯ ಕೊಳ್ಳೇಗಾಲದ ಸರ್ಕಾರಿ ಪದವಿ ಕಾಲೇಜಿನಲ್ಲಿ ಸಹ ಪ್ರಾಧ್ಯಾಪಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಕಥೆ, ಕವನ, ನಾಟಕ, ಲೇಖನ ಬರೆಯುವುದು ಇವರ ಹವ್ಯಾಸ. ಇವರ ೨-೩ ಸಾಲುಗಳಲ್ಲಿ ಬರೆಯುವಂತಹ ಪುಟ್ಕಥೆಗಳು, ಕನ್ನಡ ಸಾಹಿತ್ಯದಲ್ಲಿ ಹೊಸ ಪ್ರಕಾರವಾಗಿದೆ ಇವರು ಸಾಕಷ್ಟು ಕಥೆಗಳನ್ನು, ಲೇಖನಗಳನ್ನು, ಇಂಗ್ಲಿಷ್, ತೆಲುಗು, ಹಿಂದಿಯಿಂದ ಕನ್ನಡಕ್ಕೆ ಅನುವಾದಿಸಿದ್ದಾರೆ. ಹಾಡು, ಪ್ರವಾಸ, ಚಾರಣ, ಓದುವುದು ಇವರ ಹವ್ಯಾಸಗಳಾಗಿದ್ದು, ಸ್ತ್ರೀವಾದಿ ಚಳುವಳಿಯಲ್ಲಿ, ಸಾಮಾಜಿಕ ಸೇವೆಯಲ್ಲಿ ತಮ್ಮನ್ನೇ ತೊಡಗಿಸಿಕೊಂಡಿದ್ದಾರೆ. ಹೋದಲೆಲ್ಲಾ ಸಾಹಿತ್ಯ ವೇದಿಕೆ, ಮಹಿಳಾ ಸಂಘಗಳನ್ನು ಕಟ್ಟುವುದು ಇವರಿಗೆ ಪ್ರಿಯವಾದ ಕೆಲಸವಾಗಿದೆ.

Ratings & Reviews