ఎందరో దేవుళ్ళు,దేవతలకు ఎన్నోరకాల వ్రత పూజా విధానాలు ప్రాచుర్యములో వున్నాయి. కాని శ్రీ లక్ష్మీ నరసింహస్వామికి వ్రత పూజా విధానములు లేనట్లు గమనించాము. మానవునిగా ప్రతివారికి ఏదో వెలితి. ఆర్థికంగా కావచ్చు,కుటుంబ సమస్యలు కావచ్చు,విద్య,ఆరోగ్య,సంతానము మొదలగు ఎన్నో సమస్యలతొ సతమతమవుతున్నారు. ప్రశాంతత లేదు.. మనస్సును ఊరట పరచేందుకు మార్గము లేదు. ఈ విషయాలను పరిశీలించిన పిమ్మట స్వామి వారికి ఒక వ్రత పూజా విధానానికి రూపకల్పన చేయడం జరిగింది. బమ్మెరపోతన రాసిన భాగవతములోని ప్రహ్లాద చరిత్ర ఆధారముగా 'శ్రీ లక్ష్మీ నరసింహస్వామి మనోభీష్ట వ్రత పూజా కల్పము' ను రాయడము జరిగింది. ఇందులో 11 కథలు వుంటాయి. భక్తి, ఆధ్యాత్మికత ను మానసిక వికాసము,శాంతి మరియు మనొభీష్టము సిద్ద్దించుకునే విధముగా ఈ వ్రత పూజా విధానాన్ని రూపొందించాము. ఈ పూజను మీరే మీ ఇంటిలో స్వయంగా ఆచరించ వచ్చును.
ఈ పూజను ఒకసారి ఆచరించి చూడండి. స్వామివారి కృపాకటాక్షములు పొందండి.

యాపర్ల లక్ష్మీ నారాయణ రెడ్డి
యాపర్ల పద్మావతి