प्रत्येकाच्या आयुष्यात एक नवीन सुरुवात होते, जी आपल्याला अनपेक्षित आनंद आणि अनुभवांची भेट देते. “माझ्या 2nd इंनिंग्स च्या गोड क्षणांची गाथा” हे पुस्तक मेधा जावडेकर यांच्या अशाच नवीन सुरुवातीची कहाणी आहे. निवृत्तीनंतरच्या त्यांच्या प्रवासांच्या अनुभवांवर आधारित लघुकथांचा हा संग्रह आहे, ज्यात त्यांच्या कुटुंबातील सदस्यांच्या गोष्टींचा समावेश आहे. सोप्या भाषेत लिहिलेल्या या कथांमध्ये वाचक लगेचच स्वतःला जोडून घेऊ शकतील.

मेधा जावडेकर यांची कथा लिहिण्याची आवड त्यांच्या लेखनातून स्पष्टपणे जाणवते. त्यांच्या गोष्टींमध्ये त्यांच्या प्रवासांची उत्कंठा, कुटुंबातील गोड आठवणी आणि जीवनाच्या दुसऱ्या इंनिंग्समधील नवीन शोध यांचा समावेश आहे. त्यांनी आपल्या गोष्टींची ऑडिओ/व्हिडिओ रेकॉर्डिंग्ज देखील केल्या आहेत, ज्यामुळे मराठी वाचन कौशल्य कमी असलेल्या व्यक्तींना देखील त्यांच्या गोष्टींचा आनंद घेता येईल.

अमृता आणि अमोघ जावडेकर यांनी त्यांच्या आईच्या 60 व्या वाढदिवसानिमित्त या पुस्तकाचे संकलन केले आहे. या पुस्तकातील प्रत्येक कथा आपल्याला आयुष्याच्या दुसऱ्या इंनिंग्समधील गोड क्षणांची सफर करून घेईल.