இந்தியனாகவும் ஒரு தமிழனாகவும் பல்வேறு கலாசாரங்களைச் சேர்ந்த பலதரப்பட்ட மக்களுடன் பழகியதில் நான் அறிந்தது ஒவ்வொரு மனிதனுக்குள்ளும் ஒரு தனித்துவம் இருக்கிறது. அதை நாம் கூர்ந்து கவனித்து அறிந்து கொள்ளும் போது ஒவ்வொரு மனிதனின் ஓர் அழகிய கதாபாத்திரம் தான், அவர்கள் வாழ்க்கையும் ஓர் அழகிய கதை தான். என்னுடைய இந்தப் பயணமும், இந்த உளவியலை அறிந்து கொள்ளும் பயணம் தான், என் கற்பனையில் தோன்றும் கதாபாத்திரமும் யாரையோ எங்கேயோ பிரதிபலிக்கக் கூடும் என்ற நம்பிக்கையோடு பயணிக்கிறேன்.

சிறு சிறு கதைகளை எழுதத் தொடங்கி என் நண்பர்களுடன் குடும்பத்தாருடன் பகிர தொடங்கினேன், அவர்கள் கொடுத்த ஊக்கத்துடன் "நினைவுகளின் சதுரங்கம்" என் முதல் புத்தகமாக உருவெடுத்தது.

என் உலகம் எண்களுக்கும் சொற்களுக்கும் இடையிலான சமநிலையைக் கண்டறிவதில் சுழல்கிறது.