તુલસીભાઈ કાંહ્યાભાઇ વાઘેલા (ટી. કે. વાઘેલા ‘નંદી’) લેખનના નભોમંડળમાં વિદ્યાર્થી કાળથી જ સ્વૈર વિહાર કરતા રહ્યા અને વિદ્યાર્થી કાળમાં ગુજરાતના પ્રમુખ દૈનિક સંદેશ, ગુજરાત સમાચાર અને જનસત્તા જેવા અખબારમાં અનેક મુદ્દો પર મંતવ્ય રૂપે તેજાબી ચિંતન લેખન કરેલ છે, સરકારી સેવામાં નિયુક્તિ પછી આચાર સંહિતા અને ફરજના ભાગરૂપે લેખન કાર્ય સ્થગિત કરેલ હતું, જે નિવૃતિવયે પુનઃસક્રીય થઈને પદ્ય લેખનમાં અનેક રચનાઓનું સર્જન કરેલ છે, જે ગુજરાતના પ્રમુખ દૈનિક અને વિવિધ સામાયિક જેમ કે ન્યુઝ ઓફ ગાંધીનગર, રાષ્ટ્ર દર્પણ, સત્યવિચાર દૈનિક અને બાવનશ્રી તેમજ સોશિયલ મીડિયા પર અવારનવાર પ્રકાશિત થાય છે, આંતરરાષ્ટ્રીય નિર્મોહી પ્રકાશન મહેસાણા દ્વારા “અંતરનાદ-૨” અને “અંતરનાદ-૩” કાવ્ય-સંગ્રહમાં મારી રચનાઓ પ્રસિદ્ધ કરવામાં આવેલ છે. તદ્દઉપરાંત “સાબર સંગમ શ્રુંગાર” પુસ્તકમાં પણ રચનાને સ્થાન મળેલ છે. હવે “અવતરણ” કાવ્ય-સંગ્રહ પુસ્તક રૂપે પ્રકાશિત કરીને મારા પદ્ય લેખનની મુસાફરી વાચક સુધી પહોંચાડવા માટે શ્રી ગણેશ કરું છું.