श्रीमती उषा रानी झा के जन्म 1 जनवरी 1951 में रानीपुर, दरभंगा स्थित एकटा सभ्रान्त ब्राह्मण (शिक्षित एवं नौकरी पेशा) परिवार में भेलैन। माता श्रीमती निर्मला देवी एवम् पिता श्री कमल कान्त चौधरी जी के प्रथम सन्तान हेबाक कारण शिक्षा-दीक्षा में ई स्वयं से हो सतत उत्साहित रहली। मात्र तेरह वर्षक अवस्था में हिनकर विवाह श्री अशर्फी लाल झा जी (ग्राम-लोहा कपसिया, मधुबनी) के सब सS छोट पुत्र श्री पुरुषोत्मत झा जी स भेलैन। दू पुत्री एवं एक पुत्र के संग नाती, पोता, पोती सँ परिवार भरल-पुरल छैन्ह। उषा जी परिवारक संपूर्ण दयित्वक संग-संग सामाजिक दायित्वक निर्बहन करैत रहली अछि।
1970 के दशक सँ हिनकर कवित्व और गायन प्रतिभा प्रखर रुप स समाज में गुंजायमान होअय लागल छल, मैथिल समाज में हिनका द्वारा रचित गीत-नाद लोक व्यवहार में प्रचलित भेल। आकाशवाणी दरभंगा के ईS एक टाS लोकप्रिय कलाकार स्थापित रहली। नाटक, लोकगीत और विभिन्न विषय पर वार्त्ता प्रसारित होइत...