ఒక విశాలమైన సముద్రంలో వేల కొలది దీవులు. ఆ వేల దీవుల్లో వందల కొలది రాజ్యాలు. వందల రాజ్యాలను శాసిస్తున్న నాలుగు సామ్రాజ్యాలు. ఈ నాలుగు సామ్రాజ్యాలు హంసల అనే ఒక మహా దీవిలో నాలుగు దిక్కుల్లో స్థాపించబడ్డాయి.
మరో సామ్రాజ్యం ఒక గతం, ప్రస్తుతం అది ప్రజల జ్ఞాపకాల నుండే కాదు చరిత్ర నుండి కూడా తుడిచేయబడింది.

దహించే నిప్పును ఆర్పాలి అంటే నీరు కావాలి.. పొగరెక్కిన మనిషిని అనచాలి అంటే అధికారం కావాలి…
మనిషికి అధికారం మీద ఉన్న దాహార్తి సముద్రాన్ని కాలి చేసిన తీరేది కాదు.
సాగరాన్ని తమ చుట్టూ రక్షణగా ఉంచుకునే దీవులు, మనిషి అత్యాశకి నెత్తురోడాయి.ప్రమాదకరమైన దీవుల నుండి చీమల పుట్టలు కూడా మొలవని దీవులను సైతం సొంతం చేసుకుని, కుట్రలు కుంతంత్రాలతో మనిషి అడుగు ముందుకు కదిలింది.

అనిచివేతకి ఓర్పు నశించినప్పుడు విప్లవం పిడికిలి బిగించుకుంటుంది. కాని ఆ విప్లవం చెడు సావాసంలో మునిగినప్పుడు క్రూరత్వం నింపుకుంటుంది. విప్లవం పేరుతో మొదలైన సముద్రదొంగల ఆవిర్భావం సముద్రానికి శాపంగా మారింది. వారి గమనం అమాయకుల్ని దోచుకుంటూ రహస్యాలను వేటాడుతూ ప్రమాదకరంగా మారింది.