केतन राजेश मांदळे हे एक उदयोन्मुख लेखक आणि कवी आहेत. शब्दांशी त्यांची मैत्री बालपणापासूनचीच. लहान वयातच कागदावर कवितांच्या ओळी उतरवणाऱ्या केतन यांना मराठी साहित्याची आणि काव्याची विशेष ओढ आहे. काव्यात्मक दृष्टी लाभलेल्या केतन यांना महाराष्ट्राच्या देदीप्यमान इतिहासाने नेहमीच भुरळ घातली आहे. शिवरायांच्या जाज्वल्य इतिहासाचा अभ्यास आणि कविमनाची संवेदनशीलता यांच्या संगमातूनच त्यांनी 'शिवराज्याभिषेक' या विषयावर हे विशेष लेखन केले आहे. इतिहासातील सुवर्णक्षण शब्दांच्या माध्यमातून जिवंत करण्याचा हा त्यांचा एक प्रामाणिक प्रयत्न आहे.