ਸ਼ੀਸ਼ਾ ਕਦੇ ਝੂਠ ਨਹੀਂ ਬੋਲਦਾ।
ਇਹ ਕਿਤਾਬ ਉਸ ਸਵਾਲ ਤੋਂ ਸ਼ੁਰੂ ਹੁੰਦੀ ਹੈ, ਜੋ ਹਰ ਇਨਸਾਨ ਕਦੇ ਨਾ ਕਦੇ ਆਪਣੇ ਆਪ ਤੋਂ ਪੁੱਛਦਾ ਹੈ — ਮੇਰਾ ਅਸਲੀ ਰੂਪ ਕਿੱਥੇ ਏ?
ਦੁਨੀਆਦਾਰੀ ਦੇ ਚੱਕਰ ਵਿੱਚ ਅਸੀਂ ਸਾਰੇ ਕਿਤੇ ਨਾ ਕਿਤੇ ਆਪਣਾ ਅਸਲੀ ਆਪ ਗਵਾ ਬੈਠੇ ਹਾਂ। ਚਿਹਰੇ ਉੱਤੇ ਮੁਸਕੁਰਾਹਟ ਹੈ, ਪਰ ਅੰਦਰ ਸ਼ੋਰ ਹੈ। ਇਸ ਕਿਤਾਬ ਦੀਆਂ ਕਵਿਤਾਵਾਂ ਅਤੇ ਗ਼ਜ਼ਲਾਂ ਵਿੱਚ ਉਹੀ ਅੰਦਰਲੀ ਰੂਹ ਦੀ ਆਵਾਜ਼ ਹੈ — ਬਚਪਨ ਦੇ ਕੱਚੇ ਵਿਹੜੇ, ਇਸ਼ਕ ਦੀ ਪਾਕੀਜ਼ਗੀ, ਜੁਦਾਈ ਦਾ ਦਰਦ, ਫ਼ਕੀਰੀ ਦੀ ਬਾਦਸ਼ਾਹੀ, ਸਬਰ ਦਾ ਸਫ਼ਰ ਅਤੇ ਹਰ ਤੂਫ਼ਾਨ ਅੱਗੇ ਜਗਦਾ ਉਮੀਦ ਦਾ ਦੀਵਾ।
ਹਰ ਕਵਿਤਾ ਇੱਕ ਸ਼ੀਸ਼ਾ ਹੈ। ਪੜ੍ਹਦੇ-ਪੜ੍ਹਦੇ ਤੁਹਾਨੂੰ ਕਿਤੇ ਨਾ ਕਿਤੇ ਆਪਣਾ ਹੀ ਅਕਸ ਜ਼ਰੂਰ ਦਿਖਾਈ ਦੇਵੇਗਾ।
'ਸ਼ੀਸ਼ੇ ਦੇ ਸਫ਼ੇ' — ਜਿੱਥੇ ਲਫ਼ਜ਼, ਅਕਸ ਬਣ ਜਾਂਦੇ ਨੇ।