శీర్షిక: ధ్రువుడు చూపిన నీతి మార్గం - రేపటి తరానికి విలువల దిక్సూచి
రచన: విజయ రాఘవ. యం
కథా నేపథ్యం: అగ్రహారం అనే పల్లెటూరి బాలుడు 'చంటి'కి, ప్రకృతి రహస్యాలు తెలిసిన 'ధ్రువ తాత'(నక్షత్రం) పరిచయమవ్వడంతో ఈ ప్రయాణం మొదలవుతుంది. ప్రకృతిలోని ప్రతి జీవి ఒక గురువు అని, అవి మనకు గొప్ప జీవిత సత్యాలను నేర్పుతాయని, మన మనసులోని పొరలుగా ఏర్పడిన ప్రతికూల వైఖరులను తెరచి, పరిపూర్ణమైన మనిషిగా మార్చగలిగే శక్తి ప్రకృతికి ఉందని. పది రకాల కథలను (పది తాళాలు) ధ్రువ తాత చంటికి వివరిస్తాడు.
పది తాళాల అంతరార్థం (ప్రధాన అంశాలు):
ఆందోళనను జయించడం: ఐరా ఏనుగు మరియు మిణుగురు పురుగు కథ ద్వారా చీకటిలో ధైర్యాన్ని వెతకడం.
పోలికలు వదులుకోవడం: మర్రిచెట్టు మరియు మల్లె మొక్క ద్వారా ఎవరి ప్రత్యేకత వారిదే అని గ్రహించడం.
ఆత్మనిగ్రహం (కోపాన్ని జయించడం): విక్రమ పులి మరియు నది కథ ద్వారా. కోపం మనల్ని దహిస్తుందని, ప్రశాంతతై బలమని తెలుసుకోవడం.
నిజాయితీ: 'తేలిక మనసు' కథ ద్వారా తప్పును ఒప్పుకోవడంలో ఉండే గొప్పతనాన్ని తెలుసుకోవడం.
సమయ పాలన: కదిలే కాలం మన కోసం ఆగదని కరిగే మంచు మెట్ల ఉదాహరణతో నేర్చుకోవడం.
ఆత్మవిశ్వాసం (నీ విలువను గుర్తించడం): 'నీల కోయిల' కథ ద్వారా. మనల్ని మనం నమ్మినప్పుడే ప్రపంచం మనల్ని గౌరవిస్తుందని గ్రహించడం.
కృతజ్ఞత: 'శక్తి ఏనుగు' కథ ద్వారా మనం ఎంత ఎత్తుకు ఎదిగినా మన వెనుక ఉన్న వారిని (తల్లిదండ్రులు, ఉపాధ్యాయులు) మర్చిపోకూడదని నేర్చుకోవడం.
స్థైర్యం (Resilience): గాజు గ్లాసుపై పదే పదే జారిపడుతున్నా పైకి ఎగబాకే చీమ ద్వారా ఓటమిని ఎలా జయించాలో తెలుసుకోవడం.
సహనం (Patience): గిజిగాడు పక్షి గూడు అల్లడంలో చూపే ఏకాగ్రత మరియు ఓపిక పాఠం.
జ్ఞానాన్ని పంచడం: తన ఉనికిని కోల్పోయి వర్షాన్నిచ్చే మేఘం ద్వారా 'జ్ఞానం దాచుకోవడానికి కాదు, పంచడానికి' అని తెలుసుకోవడం.