మన చుట్టూ ఉన్న సృష్టిని అర్థం చేసుకోవటానికి మానవుడు చేసే ప్రయత్నమే ఆధునిక విజ్ఞానం. కానీ ఈ ఆధునిక విజ్ణానం యొక్క దృఢత్వం గురించి కూడా సరియైన అవగాహన చాలా ముఖ్యం. ప్రతి వైజ్ఞానిక శాస్త్ర ఫలితమూ తెలుసుకోవటమే కాక దాని యొక్క వైఫల్య సంభావనా, దైనిక జీవితంలో దాని యొక్క ఉపయోగం తెలుసుకోవడానికి ప్రయత్నం చెయ్యాలి. కానీ పాఠ్య పుస్తకాలలో ఈ విషయాల గురించి ఏ విధమైన చర్చ ఉండదు. అలాగే వివిధ వైజ్ణానిక ఫలితాల మద్ధ్య ఉండే సంబంధాలను ఎత్తి చూపే ప్రయత్నం కనపడదు. ఇవన్నీ చాలా క్లిష్టమైన విషయాలనీ వాటిని నిపుణులు మాత్రమే అర్థం చేసుకోగలరనే అపోహ చాలామందికి ఉంది. దీనిని ఒక సవాలుగా తీసుకుని ఈ
పుస్తకాన్ని రాశాను. దీనిలో వైజ్ణానిక విషయాల మధ్య ఉండే లంకెలకి ప్రాముఖ్యత ఇచ్చి, వైజ్ణానిక ఫలితాలనీ వాటి యొక్క వైఫల్య అవకాశాలనీ, జీవితంలో వాటి ఉపయోగాన్నీ గురించి సామాన్యులు సైతం సరియైన నిర్ణయాలు తీసుకోగలరు అని చూపాను. ఇంతకు ముందు వైజానిక విషయాలలో ఏ విధమైన శిక్షణా లేనివారికి కూడా సాంకేతిక పదాలని చాలా కొద్దిగా వాడిన ఈ పుస్తకం అర్థమౌతుందని నా ఆశ.