നിഷ്കളങ്കമായ ഒരു ഗ്രാമത്തിലെ, നിഷ്കളങ്കരായ ഒരു കൂട്ടം മനുഷ്യരുടേയും മൃഗങ്ങളുടേയും ദൈന്യം ദിന ജീവിതങ്ങളിലൂടെ കടന്നുപോകുമ്പോൾ ഉരുവാകുന്ന നർമ്മം. അത് ചിലപ്പോൾ പൊട്ടിച്ചിരികളിലേക്ക് വഴിമാറുമ്പോൾ ഉള്ളുറഞ്ഞു ചിരിക്കാൻ കഴിയുന്ന ഒരു കൂട്ടം ജീവിതങ്ങളുടെ നേർ ചിത്രമാണ് ഈ പുസ്തകത്തിലൂടെ നമുക്കു മുന്നിൽ അനാവരണമാകുന്നത്. ഗൾഫുകാരൻ ഭാസ്കരേട്ടൻ ദുബായിൽ നിന്നും വന്നപ്പോൾ തൻ്റെ വീട്ടിലെ ഡോബർമാൻ ഡിങ്കുവിന് ഒരു സ്പെഷ്യൽ ഫുഡ് കൊണ്ട് വരുന്നു. അതിനെ ചുറ്റിപ്പറ്റിയുണ്ടാകുന്ന സംഭവവികാസങ്ങളും, അതിനോട് അനുബന്ധമായി മറ്റു പലതും കൂടിച്ചേരുമ്പോൾ ഉരുവാകുന്ന നർമ്മം നിങ്ങളെ പൊട്ടിച്ചിരികളിലേക്ക് ആനയിക്കുന്നു.