വലിയ പുസ്തകങ്ങൾ വായിച്ചറിഞ്ഞ അറിവല്ല ഈ കൃതിയിലുള്ളത്. മറിച്ച്, നമ്മുടെ ഇടയിലുള്ള ശാസ്ത്രചിന്തകരെയും വിദഗ്ധരെയും കേട്ടറിഞ്ഞും, അവരുടെ ആശയങ്ങളെ അബ്ദുൽ കരീമിന്റെ വനജീവിതവുമായി ഒത്തുനോക്കിയും രൂപപ്പെടുത്തിയെടുത്ത നിരീക്ഷണങ്ങളാണിവ.മനുഷ്യൻ കൂടുതൽ മാനവികനാവുന്നത് സയൻസ് അറിയുമ്പോഴാണ് എന്ന് ഞാൻ മനസ്സിലാക്കുന്നു. അത് വെറുമൊരു പഠനമല്ല, മറിച്ച് പ്രകൃതിയെയും ചുറ്റുമുള്ള ജീവജാലങ്ങളെയും വസ്തുനിഷ്ഠമായി 'അറിയുന്ന' പ്രക്രിയയാണ്.