अपेक्षा विश्वेश परांजपे या लेखिका, छायाचित्रकार आणि Feel Good Moments या उपक्रमाच्या संस्थापक आहेत. पूर्णवेळ नोकरी सांभाळत त्यांनी लेखनाची आवड जोपासली आणि त्याच प्रवासातून 'ईशिता' या पुस्तकाचा जन्म झाला.
सकारात्मक विचार, आत्मजागरूकता, मानवी वर्तन, Manifestation आणि Law of Attraction या विषयांचा अनेक वर्षे अभ्यास करून त्या आपल्या अनुभवांच्या माध्यमातून वाचकांपर्यंत हे ज्ञान पोहोचवत आहेत. त्यांचा विश्वास आहे की प्रत्येक व्यक्तीमध्ये स्वतःचं आयुष्य अधिक आनंदी, अर्थपूर्ण आणि समाधानकारक बनवण्याची क्षमता असते.
'ईशिता' हे त्यांचे पहिले मराठी पुस्तक असून, वाचकांना स्वतःकडे नव्या दृष्टीने पाहण्याची, स्वतःच्या विचारांची ताकद ओळखण्याची आणि विचारांपासून वास्तवापर्यंतचा स्वतःचा प्रवास घडवण्याची प्रेरणा देणे हा त्यांच्या लेखनाचा उद्देश आहे.
"पूर्णवेळ नोकरी, लेखनाची ओढ आणि स्वप्नांवरचा विश्वास... या तिन्हींच्या संगमातून 'ईशिता' साकार झाली आहे."