ମୁଁ, ଭଦ୍ରକ ଜିଲ୍ଳା ନିବାସୀ ଶ୍ରୀ ବାବାଜୀ ଚରଣ ଦାସ, ଓଡ଼ିଶା ସରକାର ଙ୍କ ସ୍ଵତନ୍ତ୍ର ଶାସନ ସଚିବ ଭାବେ ଓଡ଼ିଶା ପ୍ରଶାସନିକ ସେବା ନିବୃତ ହୋଇ ସାହିତ୍ୟ କ୍ଷେତ୍ରରେ ମନୋନିବେଶ କରି ଅଦ୍ୟାବଧି କେତେକ ପ୍ରକାଶିତ ଓ କେତେକ ଅପ୍ରକାଶିତ ପୁସ୍ତକ ରଚନା କରିଛି। ଅବସରର କିଛି ଦିନ ପରେ ପ୍ରଥମେ ପ୍ରଥମେ କିଛି କବିତା,ପ୍ରବନ୍ଧ ଓ ଗଦ୍ୟ ସାହିତ୍ୟ ଲେଖି ବିଭିନ୍ନ ସାହିତ୍ୟିକ ଅନୁଷ୍ଠାନ ମାନଙ୍କରେ ଅଂଶଗ୍ରହଣ କରୁଥିଲି। ଅନେକ ସାହିତ୍ୟିକ ଅନୁଷ୍ଠାନରୁ ପୁରସ୍କୃତ ହୋଇଛି।

ଏହି କବିତା ସଙ୍କଳନ 'ନିବେଦନ' ପୂର୍ବରୁ ମୋର ଦୁଇଟି ପୁସ୍ତକ 'ଆମ ପରମ୍ପରା ଓ ଐତିହ୍ଯ' ପ୍ରଥମ ଭାଗ ଓ 'ଓଡିଆ ସାହିତ୍ୟର ଯଶସ୍ଵୀ ସ୍ରଷ୍ଟା' ଭାରତୀ ପବ୍ଲିକେଶନ, କୋଲକାତା ଦ୍ଵାରା ଗତବର୍ଷ ପ୍ରକାଶିତ ହୋଇଛି।