দিনা চিংঙাখম
অন্দ্রোদা পোকতুনা চাওরকখি অমসুং অন্দ্রো হায় স্কুল, RDS কোনুং মমাঙ, C. C. Hr. Secondary School দা লাইলিক তম্লকখি ৷ মতুংদা B.Sc. অমসুং M.A (Geography), Delhi University দা লোইশিনখি ৷ মসিগী মতুংদা Thailandগী Ramkhamhaeng অমদি Rangsit University দা Graduate Diploma(Education) অমসুং M.Ed. লোইশিনখি ৷ লাইলিকসি ইবা মতমদা Rangsit university দা Ed.D. (Doctor of Education) research তৌরি ৷ চহি ১৬-১৭ মুক কমবোদিয়া, থাইলেনগী স্কুল অমদি য়ুনিভরসিদা ওঝা ওইনা লাইলিক তাকখি ৷ থাইলেন্দ, কমবোদিয়া, লাউস, ভিয়েৎনাম, মালাইসিয়া অমদি হোং-কোংনচিংবা মফমদা লাইলিক লাইশু অমদি কলচরগী মান্নবা কয়া য়েংখি ৷ মহাক্কী অতোপ্পা থিজিনবা-হুমজিনবগী মতাংদা মমিং ওইনা পনবা য়াবদি- The Effect of Internet Based Homework in Learning English; অমদি লাইলিক অহুম মথংশিৎনা 1. Finding the Roots : Andro and Sengmai Community; 2. The Lai of Manipur; অমদি মসিগী মনিপুরীদা হন্দোকপা, 3. লাই খোঙ্গুল লীবা হায়না মিংথোনবা লাইলিক অহুম পুথোকখি। লাইলিকসি ইবা মতমদা পাথুম ৱিলাই (Higher Secondary School), থাইলেন্দা ইংলিসগী ওঝা ওইনা থবক পুরি। চহী ফাদ্রিবা মচা অনি অমদি মাগী লোয়নবীগা লৈমিন্নরি।
বীরেন খৱাইরাকপম
অৱাং সেংমাইদা পোকতুনা লৈকাই অমসুং মাগী খুঙ্গংগী চৎনবি ময়াম অমা শরুক য়াদুনা লাকখি ৷ মতমগী য়াওলদা অহোংবা কয়ানা চৎনবি পথাপ কয়া অইবা ওইনা থমহৌদ্রবদি শোয়দনা মাঙখিগদবা লৈরবা পোৎশকসি কন্নিংবদগী লাইলিকসি মশানা অহানবা খুৎ থাবা হৌবনি ৷ চৎন পথাপ ময়ামসি ময়েক শেংনা লৈহৌনবা কন্না হোৎনজবা মীশকনি ৷ Engineerগী শিনফমদা হৌরকতুনা চৎন কাংলোন খুদিংমক Scientific ওইবা মওংদা ৱাহন্থোক থিগৎপা পামজবা মীশক্নি ৷ মহাক্কী অতোপ্পা অইবা (Co-writer) লাইলিক- 1. Finding the Roots : Andro and Sengmai Community; 2. The Lai of Manipur; অমদি মসিগী মনিপুরীদা হন্দোকপা, 3. লাই খোঙ্গুল লীবা হায়না মিংথোনবা লাইলিক অহুম পুথোকখি ৷ মহাক্কী লোইনবি সুবদনিগা লৈমিন্নরি।