અધૂરી સફર કોઈ કલ્પિત કહાની નથી... આ એક સામાન્ય માણસના જીવનના સાચા અનુભવો પર આધારિત સફર છે.
બાળપણના નિર્દોષ દિવસોથી શરૂ થયેલી આ સફર શાળા, કોલેજ, નોકરી અને વ્યવસાય સુધી પહોંચે છે. સપનાઓ જોવાય છે, મહેનત થાય છે, સફળતા મળે છે અને નિષ્ફળતાઓ પણ આવે છે. જીવન પોતાની રીતે આગળ વધી રહ્યું હોય છે... ત્યાં એક એવી બીમારી આવે છે, જે બધું જ બદલી નાખે છે. એક સમય એવો પણ આવે છે જ્યારે પોતાનું નામ પણ યાદ રહેતું નથી. શરીર સાથ છોડે છે, વ્યવસાય બંધ થઈ જાય છે, દેવું અને જવાબદારીઓ સામે ઊભાં રહેવું પડે છે. પરંતુ જીવન ત્યાં અટકતું નથી. પરિવારનો સાથ, મિત્રોની લાગણી, લોકોનો વિશ્વાસ અને પોતાની અંદર રહેલી ફરીથી ઊભા થવાની હિંમત — આ બધાની સાથે એક નવી શરૂઆત થાય છે.

અધૂરી સફર એ માત્ર સંઘર્ષની કહાની નથી; આ સંબંધો, વિશ્વાસ, મહેનત, હિંમત અને ફરીથી જીવન જીવવાની સફર છે.
કારણ કે કેટલીક કહાનીઓ લખાતી નથી... જીવવી પડે છે.