Dr. Anuradha Baliyan ek prabuddh lekhika, prakhar vicharak aur sahitya anuragi hain. Shaikshanik dharatal par unki yogyata asaadharan hai; unhone itihas vishay mein Ph.D. ki upadhi prapt ki hai. Iske sath hi unhone itihas, hindi, samajshastra tatha prachin itihas jaise vividh vishayon mein snatkottar (M.A.) kiya hai, evam unke paas vidhi (LL.B.) aur shiksha snatak (B.Ed.) ki bhi vyavasayik digriyan hain.
Itihas, kanoon aur samajik tane-bane ki yeh gehri samajh unke sahityik drishtikon ko ek nayi paripakvata deti hai. 'Shantivan' unka pehla sahityik srijan hai. Prakriti aur jeev-jantuvon ke prati gehra anurag rakhne wali Dr. Baliyan ka manna hai ki sah-astitva aur karuna hi manav jeevan ko poorna banate hain, yahi sandesh vah aaj ki peedhi ko dena chahti hain.
Apne is pratham baal upanyas ke madhyam se unhone ek aise aadarsh, bhayahit aur prempurna sansaar ki kalpana ko sakaar kiya hai, jahan sabhi jeevon ko saman roop se rehne ka adhikar hai. Vartaman mein ve shiksha aur sahitya ke kshetra mein sakriya yogdan dete hue manaviya moolyon ko shabdon mein dhalne ke liye nirantar prayasrat hain.