লাইলিকসি অন্দ্রো-সেংমাইগী শাংলবা ইতিহাসকী হৌরকফম লম্বী খোঙ্গুল লীবা ৱারিনি ৷ ফোঙদোক্তনা মতম শাংনা ফুমদুনা থমল্লকপা নুংগী ওইবা ৱারি কয়া অতোপ্পনা খঙবিদবা ৱারি কয়া অমা শমলপ্পা লীজবা ৱরিনি ৷ মতমগী অওন্বনা মাঙখ্রগদবা কাংলুপসিগী ৱারি কয়া তপ্না তপ্না মুৎশিল্লকপা, অরি অনৌ মতম লৈরিঙৈ শিন্নহৌদ্রবদি মতমগী ঈরোন্নুংদা শোইদনা লুপখ্রগদবা ৱারি কয়া অইবা ওইনা থমহৌনবা হোৎনজবা লাইলিকনি ৷ কাংলুপসিগী চৎনবি কয়া হোংদনা মতম শাংনা চৎন পথাপ ইন্দুনা লাকই খঙলবসু মতম্না তপ্না তপ্না মমি শাম্বগী শক্তম অমা অকোইবগী চৎনবিদা ঈরাক্নহনখিবা উরক্লি ৷ তুংগী মতম অমদা লাইলিকসিনা অশেংবা লম্বী খরা থম্বিহৌনবা হোৎনজবা লাইলিকনি ৷ ঙসিদগী চহি চা-কয়া ফাওবগী মমাঙদা থোকখিবা থৌদোক ৱাথোক ময়েক শেংনা খঙবা ঙমশিল্লক্তবনা লাইলিকসিনা ঐখোয়গী হৌরকফম খোঙ্গুল লীবদা মতেং ওইগনি খন্না খুদোল তমজবা লাইলিকনি ।