திரு ந சுப்பிரமணிய ஐயர், அவர்கள் 1884 ம் வருடம் பிறந்தார். 1947-ம வருடம் வரை வாழ்ந்த இவர், சிறந்த பேராசிரியராக மட்டுமல்லாது , நல்ல கவிஞராகவும் விளங்கினார்."கடமையைச் செய், பலனை எதிர்பாராதே " என்ற கீதையை வாழ்வில் கடைபிடித்தார் . மனிதநேயம் மிகக் கொண்டிருந்தார் .நல வாழ்வு எல்லோரும் வாழ வேண்டும் என்று "சுக நூல்" என்ற வாழ்வியல் அறிவியல் நூல் எழுதினார் அது பிரெஞ்சு அரசாங்கத்தால் பாட நூலாக வைக்கப்பெற்றது. சம்ஸ்க்ருத ஞானத்தினால் பகவத் கீதையை எளிய "கும்மிப் பாட்டாக " எழுதினார்.பழமையில் உள்ள பண்புகளையும் புது யுகம் புதுப்பிக்கும் கருத்துக்களையும் ஒருங்கே இணைத்து வாழ்ந்தவர் . அந்தணனுக்கு உண்டான நித்ய கர்மானுஷ்டாங்களை ஒரு நாளும் தவற விட்டதில்லை . எனினும் பாரதியின் நண்பராக புதுச்சேரியில் புதுமைகள் செய்தவர் : பாரதியார் செய்ய வேண்டிய ஒரு ஸ்ராத்ததிற்கு ஊரில் மற்றவர் மறுக்க இவர் துணிந்து செய்து வைத்தாராம். . தாள மாத்திரைக்கான கருவி ஒன்றை இவர் மேம்படுத்தி உபயோகித்து வந்தார் என்று அறிகிறோம் . இந்தக் கருவி துரதிஷ்டவசமாக இன்று நம்மிடம் இல்லை மிருதங்கம் வாசிப்பதில் மிகுந்த தேர்ச்சி பெற்ற இவர் நாதஸ்வர கச்சேரிகளை மிகவும் விரும்பினார் .