డా.యస్.వి.యస్.కిషోర్ కుమార్ నలభై ఏళ్ళుగా తెలుగు సాహితీ రంగంలో సుపరిచితులు.
తన రచనలన్నిటిలో సృజనాత్మకతను జోడించి తనదైన శైలితో చదువరులను ఆకట్టుకోగల సమర్ధులు.
బాంకింగ్ రంగంలో పనిచేసి ప్రస్తుతం లాయర్ గా తన వృత్తి కొనసాగిస్తున్నప్పటికీ తెలుగు భాష అంటే మక్కువ, ప్రేమ, అభిమానంతో అడపా దడపా మంచి రచనలు చేస్తూ పాఠకులలో మంచి పేరు సంపాదించుకున్నారు.
తెలుగు భాషాభిమానంతో కవితలు, కధలు, నవలలు, సీరియల్స్ రాయడంలో తన వంతు కృషి చేస్తున్నారు.
తన రచనలు జీవితం లోతులనుంచి వెలికి తీసినట్లుంటాయి.
సామాజిక స్పృహతో రచనలు చేయడం అతని అభిలాష. అతని రచనలలో వినోదం పాలు ఎక్కువగా ఉంటుంది. ఏది రాసినా సమాజానికి ఎంతో కొంత ఉపయోగపడాలన్నదే అతని ఆకాంక్ష.
ఆంగ్ల భాషలో బ్యాంకింగ్, ఇన్ఫర్మేషన్ సెక్యూరిటీ, హ్యూమన్ రిసోర్సెస్ మేనేజిమెంట్ మొదలగు అంశాలపై పలు పుస్తకాలు రాశారు. ఆంగ్ల భాషలో యాదాద్రి, లార్డ్ బాలాజీ, ఓం సాయి శ్రీ సాయి మొదలగు భక్తి పుస్తకాలు రాశారు.