ಕೊಳ್ಳೇಗಾಲದ ನಿವಾಸಿಯಾಗಿರುವ ವಿಜಯಲಕ್ಷ್ಮಿ ಎಂ ಎಸ್ ರವರು ಪ್ರೌಢಶಾಲಾ ದಿನಗಳಿಂದಲೂ ಸಾಹಿತ್ಯ ಕೃಷಿಯಲ್ಲಿ ಆಸಕ್ತಿ ಬೆಳಸಿಕೊಂಡಿದ್ದಾರೆ. ಗೃಹಿಣಿಯಾಗಿರುವ ಕಳೆದ ವರ್ಷ ಕರ್ನಾಟಕ ಮುಕ್ತ ವಿಶ್ವವಿದ್ಯಾನಿಲಯದಿಂದ ಕನ್ನಡ ಎಂ ಎ ಪದವಿ ಪಡೆದಿದ್ದಾರೆ. ಕೊಳ್ಳೇಗಾಲದ "ಮುಕ್ತ ಸಾಹಿತ್ಯ ವೇದಿಕೆ"ಯ ಆರಂಭಕರ್ತೆಯರಲ್ಲಿ ಒಬ್ಬರಾಗಿದ್ದು, ಇದೀಗ ಅಧ್ಯಕ್ಷೆಯಾಗಿದ್ದಾರೆ. ಓದುವುದು, ಹಾಡುವುದು, ಲೇಖನ, ಕಥೆ, ಪುಟ್ಕಥೆ, ಕವನ, ಲಾವಣಿ ಬರೆಯುವುದು ಇವರ ಹವ್ಯಾಸವಾಗಿದೆ. ಈಗಾಗಲೇ ಇ - ಪುಸ್ತಕವಾಗಿ ಅವರ ಪುಟ್ಕಥೆಗಳ ಪುಸ್ತಕ ‘ಸುವಿದನಿ’, ಕವನಸಂಕಲನ ‘ಲಹರಿ’ ಮತ್ತು ಕನ್ನಡ ಒಗಟುಗಳು ಪ್ರಕಟವಾಗಿವೆ. ಇದು ಅವರ ನಾಲ್ಕನೇ ಇ - ಪುಸ್ತಕವಾಗಿದೆ. ಅವರ "ಸುವಿದನಿ" - ಪುಟ್ಕಥೆಗಳ ಸಂಕಲನ ಈಗಾಗಲೇ ಮುದ್ರಣಗೊಂಡಿದೆ. ಈ ಒಗಟುಗಳ ಪುಸ್ತಕ ಸಹ ಮುದ್ರಣವಾಗುವ ಹಂತದಲ್ಲಿದೆ.