ആമിന ഇസ്മായിൽ

1998 ജൂലൈ 29 ന് എറണാകുളം ജില്ലയിലെ കോതമംഗലം താലൂക്കിൽ ജനനം. സോഷ്യോളജിയിൽ മഹാത്മാ ഗാന്ധി യൂണിവേഴ്സിറ്റിയിൽ നിന്ന് ബിരുദവും ഇന്ദിരാ ഗാന്ധി നാഷണൽ ഓപ്പൺ യൂണിവേഴ്സിറ്റിയിൽ നിന്ന് ബിരുദാനന്തര ബിരുദവും കരസ്ഥമാക്കി.

ഇന്ത്യൻ നിർമ്മിതമായ ഷെയർചാറ്റ് എന്ന സാമൂഹ്യമാധ്യമത്തിലൂടെ ആയിരുന്നു എഴുത്തുകാരി എന്ന നിലയിൽ തുടക്കം. രണ്ട് വർഷങ്ങൾ എന്ന ഈ കുറഞ്ഞ കാലയളവു കൊണ്ട് തന്നെ മൂന്ന് നോവലുകളും ഒമ്പത് ചെറുകഥകളും തന്റെ പേരിൽ എഴുതിയിട്ടുണ്ട്. എഴുത്തിന്റെ ആദ്യകാലങ്ങളിൽ പ്രണയമായിരുന്നു കഥകളുടെ ഇതിവൃത്തം. എന്നാൽ ഇപ്പോൾ, അതിൽ നിന്ന് വ്യത്യസ്തമായി, സ്വന്തം ജീവിതത്തിൽ സംഭവിച്ചിട്ടുള്ളതും ചുറ്റുപാടുമുള്ളവരുടെ ജീവിതങ്ങളിൽ സംഭവിച്ചു കൊണ്ടിരിക്കുന്നതുമായ കാര്യങ്ങളാണ് എഴുതുന്ന കഥകളുടെ വിഷയങ്ങൾ ആയി വരുന്നത്.

തനിക്ക് ചുറ്റും നടക്കുന്ന സംഭവങ്ങളിൽ നിന്ന് പ്രചോദനം ഉൾക്കൊണ്ട് എഴുതിയ ആദ്യ പുസ്തകമാണ് ‘അവൻ’.