മഹാഭുവനേശ്വരി ഭഗവാൻ പരമേശ്വരന്‍റെ എല്ലാ ലീലാവിലാസങ്ങളുടേയും സഹചാരിണി യാകുന്നു. ദേവി നിഖില പ്രപഞ്ചത്തിനും ആദി കാരണവുമാകുന്നു. ദേവി എല്ലാ ശക്തിയുടേ യും ഉറവിടവും സകലമാന ബ്രഹ്മാണ്ഡത്തിനേയും പോഷണം ചെയ്യുന്നവളുമാകുന്നു.
ഈ പുസ്തകം ചിട്ടപ്പെടുത്തുവാന്‍ ശ്രീഭുവനേശ്വരീ വരിവസ്യാ, തന്ത്രസമുച്ചയം, ദശമഹാവിദ്യകള്‍, ശാരദാതിലകം മുതലായ ഗ്രന്ഥങ്ങളിലെ നിര്‍ദ്ദേശങ്ങള്‍ സ്വീകരിച്ചിരിക്കുന്നു. കേരളത്തില്‍ പറയുന്ന തന്ത്രസമുച്ചയ രീതി അനുസരിച്ചും ശാക്തേയ തന്ത്രം നിര്‍ദ്ദേശിക്കുന്ന ദക്ഷിണാചാര സമ്പ്രദായ രീതി അനുസരിച്ചും ഉള്ള രണ്ടു മാര്‍ഗ്ഗങ്ങള്‍ ഈ പുസ്തകത്തില്‍ വ്യക്തമാക്കിയിട്ടുണ്ട്. പ്രത്യേകിച്ചും തന്ത്രവിദ്യാര്‍ത്ഥികള്‍ക്കു നല്ലൊരു അവലംബം ആയിരിയ്ക്കും ഈ പുസ്തകം എന്നതില്‍ യാതൊരു സംശയവും ഇല്ല.