অঙনবা মতমদা লাই হায়বা ফুরুপ অমা লৈরমই ৷ অদুবু কাংলুপসি কদাইদা চৎখ্রে, করি ওইখ্রে হায়বসি তাকপা ঙমদনা মমিংসি লোৎতুনা লৈখি ৷ মনিপুরগী ৱাংমদা হায়বদি Mizoram , Myanmar, Chinaনচিংবা মফমশিংদা হায়রিবা লাই হায়না খঙনরিবা ফুরুপসি খুন্দা লৈতাদুনা লৈরি অদুবু মতৌ করমনা লাই হায়বা কাংলুপনা মনিপুরগী ইতিহাসতা কাংলুপকী মমিং লোৎতুনা তোঙানবা শক্তম লৌহন্দুনা লৈখি হায়বসি থিজিনবা লাইলিক্নি ৷ লাইলিকসি অন্দ্রো অমদি সেংমাই কাংলুপনা লাই হায়বা মিংদগী চকপা হায়না মিং থোনবিদুনা মশাগী শক্তম লোৎনা থমখিবা অমদি অনৌবা শক্লোন লৌরকখিবগী মতাংদা নৈনরি ৷ লাইলিকসি খুঙ্গং অনিসিগী চৎন কাংলোন , ঙসি ঙসিমক চৎনরিবা কাংলুপকী থবক থৌরম অমদি অরিবা লাইলিক কয়াদা ইদুনা থম্বীরম্বা ৱারোল কয়া নৈনদুনা পুথোকচবা লাইলিক্নি ৷ লাইলিকসি তুংদা লাক্কতবা মীরোলগী মাঙখ্রগদবা অমদি অর্থ তোঙান্না চৎখ্রগদবা ৱারোল কয়া নৈনদুনা মখা তানা থিজিনবগী (Research) থোঙ হাংবা অহৌবা খোঙথাং অমনি ৷ পুথোক্লিবা ৱারোল খুদিংমক অইবা recordতা base তৌবা , সেংমাই লাই হরাওবা অমদি চৎনদুনা লৈরিবা থবক থৌরম্বু অইবা ওইনা ওন্থোকচবা লাইলিক্নি ৷ তুংগী মীরোল অমদি অখঙ অহৈ কয়ানা মখা তানা থিজিন হুমজিনবগী খোঙথাং লৌখৎপিরক্নবা অইবা ঐখোয়না ফোংদোকচরি ৷ থিজিন হুমজিনবদা ফংজরিবা ৱারোল কয়াসিগী ৱাংমদা অখঙ অহৈ কয়ানা খঙবা ৱারোল কয়া লৈরবদি মথংগী revision দা হাপচগে ৷ লাইলিক অসিমক ঙসি ফাওবদা নৈনবদা ফংলিবা মচাকশিং ফোংজবনি ৷ মসিদগী হেন্না মনুং হুৎচিন্না প্রমান পান্থৈ মতিক চানা লৈবা চিৎথহৌবা অমদি নৌনা ফংবা ৱারোল লৈরবদি মথংগী Revisionদা হাপ্নবা থোঙ লাওনা হাংদুনা থমজরি ৷ হায়রিবা লাইলিকসিমক তুংদা হৌরক্কতবা নহারোল কয়ানা থিজিন হুমজিনবদা মতেং পাংনবা লম্বী য়াৎপা অপিকপা খোঙথাং অমগুম্বনি ৷ মসিনা লম্বী লমতাক ওইরগা মখা তাথনবা হৌরক্লিবা নহারোলশিংনা থি-হুম্বগী থবক চৎথপিরক্নবা অইবা ঐখোয়গী ৱাখল ফোংদোকচদুনা লম্বী য়াৎপা, থোঙ হাংবা, অপিকপা খোঙথাং মচা অমনি ৷ লাইলিক অসিনা লোইরে হায়বা ৱাখল্লোন লৈজদে ৷ অইবা ঐখোয়গী অপাম্বদি মখা তানা থি হুমদুনা লম্বী পাকথোক চাওথোকহনবদুনি ৷ মরম অসিনা লম্বীসিদা মখা তানা থিজিন হুমজিনবিনবা অখঙ অহৈ অমদি তুংগী নহারোলশিংদা অইবা ঐখোয়গী অপাম্বা ফোংদোকচরী