You can access the distribution details by navigating to My pre-printed books > Distribution

Add a Review

ಅಂಕಲ್ ಟಾಮ್‌ನ ಕ್ಯಾಬಿನ್ (eBook)

ಅಮೇರಿಕಾದ ಗುಲಾಮಗಿರಿಯ ವಿರುದ್ಧದ ಹ್ಯಾರಿಯೆಟ್ ಬೀಚರ್ ಸ್ಟೋವ್ ರ ಕಾದಂಬರಿಯ ಅನುವಾದ
Type: e-book
Genre: Literature & Fiction, Politics & Society
Language: Kannada
Price: ₹0

Description

ಅಮೇರಿಕಾದ ಗುಲಾಮಗಿರಿಯ ವಿರುದ್ಧದ, ವರ್ಣಭೇದ ವಿರೋಧಿ ಕಥಾಹಂದರವನ್ನು ಹೊಂದಿರುವ ಈ ಕೃತಿಯನ್ನು ಬರೆದ ಅಮೇರಿಕಾದ ಖ್ಯಾತ ಬರಹಗಾರ್ತಿ ಹ್ಯಾರಿಯೆಟ್ ಬೀಚರ್ ಸ್ಟೋವ್‌ರವರು, ಗುಲಾಮಗಿರಿಯ ವಿರುದ್ಧ ಹೋರಾಡಿ ಅದಕ್ಕೆ ಅಂತ್ಯ ಹಾಕಿದ ಮಹಾನ್ ಪ್ರಜಾಪ್ರಭುತ್ವವಾದಿ ಅಬ್ರಹಾಂ ಲಿಂಕನ್‌ರವರನ್ನು ಭೇಟಿಯಾದಾಗ, ಲಿಂಕನ್‌ರವರು ಇವರನ್ನು ನೋಡಿ, "ಈ ಪುಟ್ಟ ಮಹಿಳೆ ಇಷ್ಟು ದೊಡ್ಡ ಕ್ರಾಂತಿಗೆ ಕಾರಣರಾದರಾ!" ಎಂದು ಉದ್ಗರಿಸಿ ಸ್ವಾಗತಿಸಿದರಂತೆ. ಅಂದರೆ ಈ ಪುಸ್ತಕದ ಪ್ರಭಾವವನ್ನು ನಾವು ಊಹಿಸಿಕೊಳ್ಳಬಹುದಾಗಿದೆ.
ಅಂಕಲ್ ಟಾಮ್ಸ್ ಕ್ಯಾಬಿನ್ ಅಮೇರಿಕಾದಲ್ಲಿದ್ದ ಗುಲಾಮಗಿರಿ ಪದ್ಧತಿಯನ್ನು ವಿರೋಧಿಸಿ ಬರೆದಂತಹ ಮೊಟ್ಟ ಮೊದಲ ಕೃತಿ. 1851ರಲ್ಲಿ ’ನ್ಯಾಷನಲ್ ಎರಾ' ಎಂಬ ದಿನಪತ್ರಿಕೆಯಲ್ಲಿ ಒಂದು ವರ್ಷ ಕಾಲ ಧಾರವಾಹಿಯಾಗಿ ಪ್ರಕಟಗೊಂಡಿತು. ನಂತರ ಅದು ಪುಸ್ತಕ ರೂಪದಲ್ಲಿ ಪ್ರಕಟಗೊಂಡಾಗ, ಒಂದು ತಿಂಗಳಲ್ಲೇ 1 ಲಕ್ಷ ಪ್ರತಿಗಳು, 1 ವರ್ಷದಲ್ಲಿ 3 ಲಕ್ಷ ಪ್ರತಿಗಳು ಮಾರಾಟವಾದವು. ಪ್ರತಿಯೊಬ್ಬರ ಮನೆಯಲ್ಲೂ ಈ ಪುಸ್ತಕ ಇತ್ತು. ನಂತರ ಅದು ಯೂರೋಪ್‌ನಲ್ಲಿ ಇಂಗ್ಲೆಂಡ್, ಇಟಲಿ, ಫ಼್ರಾನ್ಸ್, ಜರ್ಮನಿ, ರಷ್ಯಾ ಮುಂತಾದ ದೇಶಗಳಲ್ಲಿ ಪ್ರಕಟವಾಗಿ ಸುಮಾರು 15 ಲಕ್ಷ ಪ್ರತಿಗಳು ಮಾರಾಟವಾದವು. ಆ ಕಾಲದಲ್ಲಿ ಬೈಬಲ್‌ಅನ್ನು ಬಿಟ್ಟರೆ ಅತಿ ಹೆಚ್ಚು ಮಾರಾಟವಾದ ಕೃತಿ ಎಂದರೆ ಅಂಕಲ್ ಟಾಮ್ಸ್ ಕ್ಯಾಬಿನ್.
ಲೇಖಕಿ ಅಂಕಲ್ ಟಾಮ್ಸ್ ಕ್ಯಾಬಿನ್ ಪುಸ್ತಕವನ್ನು ಬರೆದಾಗ ಗುಲಾಮಗಿರಿ ಅಸ್ತಿತ್ವದಲ್ಲಿ ಇದ್ದದ್ದು ಮಾತ್ರವಲ್ಲದೆ, ಅದು ಬಹಳ ಅಮಾನವೀಯವಾಗಿ ಬಿಟ್ಟಿತ್ತು. ದಕ್ಷಿಣ ಭಾಗದಲ್ಲಿ ಗುಲಾಮಗಿರಿಯ ವಾಸ್ತವತೆ, ಅದರಿಂದಾಗುತ್ತಿದ್ದ ಸಮಸ್ಯೆಗಳು, ಆ ಅಮಾನವೀಯತೆ, ಬರ್ಬರತೆಯನ್ನು ಜನರಿಗೆ ಅರ್ಥ ಮಾಡಿಸುವುದು ಈ ಕಾದಂಬರಿಯ ಉದ್ದೇಶವಾಗಿತ್ತು.
ಇದು ಪ್ರಕಟವಾದ ನಂತರ ಗುಲಾಮಗಿರಿಯ ಬಗ್ಗೆ ಚರ್ಚೆಗಳು ತೀವ್ರವಾದವು. ಒಂದು ಇಡೀ ಸಮಾಜದ ಪ್ರಜ್ಞೆಯನ್ನು ಕಲಕಿದಂತಹ ಕೃತಿ ಇದು ಎಂದರೆ ತಪ್ಪಾಗಲಾರದು.
ಉತ್ತರ ಭಾಗದಲ್ಲಿನ ಜನತೆ ಈ ಪುಸ್ತಕವನ್ನು ಸ್ವಾಗತಿಸಿದ್ದು ಮಾತ್ರವಲ್ಲದೆ, ಸಾವಿರಾರು ಜನ ಅಬಾಲಿಷನಿಸ್ಟ್‌ ಗಳಾದರು. (ಗುಲಾಮಗಿರಿ ರದ್ದುಗೊಳಿಸಬೇಕೆಂದು ಆಗ್ರಹಿಸುತ್ತಿದ್ದವರು).
ಅಂದಿನ ಅಮೇರಿಕಾದ ಅಧ್ಯಕ್ಷರಾದ ಅಬ್ರಹಾಂ ಲಿಂಕನ್ ರ ನೇತೃತ್ವದಲ್ಲಿ ನಡೆದ ಯುದ್ಧದಲ್ಲಿ ಅಬಾಲಿಷನಿಸ್ಟ್‌ ಗಳಿಗೆ ಜಯ ದೊರೆಯಿತು. 1865 ಅಮೇರಿಕಾ ಸಂವಿಧಾನಕ್ಕೆ ತಂದ 13ನೇ ತಿದ್ದುಪಡಿಯ ಪ್ರಕಾರ ಗುಲಾಮಗಿರಿಯನ್ನು ಶಾಸನಬದ್ಧವಾಗಿ ರದ್ದುಗೊಳಿಸಲಾಯಿತು.
ಹಾಗಾಗಿ ಈ ಪುಸ್ತಕ ಮಾನವ ಇತಿಹಾಸದಲ್ಲಿ, ದಮನಿತರ ಹೋರಾಟದ ಇತಿಹಾಸದಲ್ಲಿ ಅಜರಾಮರವಾಗಿ ಉಳಿದಿದೆ. ಇಂದಿಗೂ ಸಹ ತುಳಿತಕ್ಕೊಳಪಟ್ಟ, ಎಲ್ಲಾ ರೀತಿಯ ತಾರತಮ್ಯಕ್ಕೆ ಒಳಪಟ್ಟ ಜನರನ್ನು ಪ್ರೇರೇಪಿಸುವ ಸ್ಫೂರ್ತಿದಾಯಕ ಕೃತಿಯಾಗಿದೆ.

About the Author

ಅನುವಾದಕಿಯ ಕಿರುಪರಿಚಯ

ಸುಧಾ ಜಿ - ಇವರು ಕರ್ನಾಟಕದ ಚಾಮರಾಜನಗರ ಜಿಲ್ಲೆಯ ಕೊಳ್ಳೇಗಾಲದ ಸರ್ಕಾರಿ ಪದವಿ ಕಾಲೇಜಿನಲ್ಲಿ ಸಹ ಪ್ರಾಧ್ಯಾಪಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಕಥೆ, ಕವನ, ನಾಟಕ, ಲೇಖನ ಬರೆಯುವುದು ಇವರ ಹವ್ಯಾಸ. ಇವರ ೨-೩ ಸಾಲುಗಳಲ್ಲಿ ಬರೆಯುವಂತಹ ಪುಟ್ಕಥೆಗಳು, ಕನ್ನಡ ಸಾಹಿತ್ಯದಲ್ಲಿ ಹೊಸ ಪ್ರಕಾರವಾಗಿದೆ ಇವರು ಸಾಕಷ್ಟು ಕಥೆಗಳನ್ನು, ಲೇಖನಗಳನ್ನು, ಇಂಗ್ಲಿಷ್, ತೆಲುಗು, ಹಿಂದಿಯಿಂದ ಕನ್ನಡಕ್ಕೆ ಅನುವಾದಿಸಿದ್ದಾರೆ. ಹಾಡು, ಪ್ರವಾಸ, ಚಾರಣ, ಓದುವುದು ಇವರ ಹವ್ಯಾಸಗಳಾಗಿದ್ದು, ಸ್ತ್ರೀವಾದಿ ಚಳುವಳಿಯಲ್ಲಿ, ಸಾಮಾಜಿಕ ಸೇವೆಯಲ್ಲಿ ತಮ್ಮನ್ನೇ ತೊಡಗಿಸಿಕೊಂಡಿದ್ದಾರೆ. ಹೋದಲೆಲ್ಲಾ ಸಾಹಿತ್ಯ ವೇದಿಕೆ, ಮಹಿಳಾ ಸಂಘಗಳನ್ನು ಕಟ್ಟುವುದು ಇವರಿಗೆ ಪ್ರಿಯವಾದ ಕೆಲಸವಾಗಿದೆ.

Book Details

Publisher: Nileena Thomas
Number of Pages: 213
Availability: Available for Download (e-book)

Ratings & Reviews

ಅಂಕಲ್ ಟಾಮ್‌ನ ಕ್ಯಾಬಿನ್

ಅಂಕಲ್ ಟಾಮ್‌ನ ಕ್ಯಾಬಿನ್

(Not Available)

Review This Book

Write your thoughts about this book.

Currently there are no reviews available for this book.

Be the first one to write a review for the book ಅಂಕಲ್ ಟಾಮ್‌ನ ಕ್ಯಾಬಿನ್.

Other Books in Literature & Fiction, Politics & Society

Shop with confidence

Safe and secured checkout, payments powered by Razorpay. Pay with Credit/Debit Cards, Net Banking, Wallets, UPI or via bank account transfer and Cheque/DD. Payment Option FAQs.