कॅप्टन सुनील सुळे यांनी आपल्या आयुष्याची २५ वर्षे समुद्रावर प्रवास केला. या काळात त्यांनी ६५ देशांना भेटी दिल्या; तिथल्या लोकांच्या चालण्या-बोलण्याच्या सवयी, राहणीमान, आवडी-निवडी यांची झलक त्यांना पाहायला मिळाली. त्यांच्या गोष्टीमध्ये ठिकठीकाणी हे संदर्भ बघायला मिळतील.

२५ वर्षांच्या समुद्र सेवे नंतर उच्च शिक्षण घेउन त्यांनी मुंबईच्या लाल बहादूर शास्त्री महाविद्यालयात व्याख्याता म्हणून काम केले. हल्ली ते अँगलो इस्टर्न मॅरिटाइम ट्रेनिंग सेंटर या संस्थे मध्ये जहाजाच्या नॅव्हिगेटिंग ऑफिसर्स व मरीन एंजीनिअर्सना प्रशिक्षण देतात.

मराठी, हिंदी आणि इंग्लिश भाषांमध्ये लेखन करण्याशिवाय त्यांना फोटोग्राफी आणि चित्रकलेचाही छंद आहे. त्यांच्या इमेजेस ऑफ चायना" छायाचित्रांची महाराष्ट्रात पाच ठिकाणी प्रदर्शने झाली.