ही एका नाथसिद्ध योग्याची सत्यकथा आहे. लेखक स्वत: श्रीज्ञानेश्वर महाराजांच्या सिद्ध संप्रदायातील आहेत. योगी स्वत:चे अनुभव सहसा सांगत नाहीत. पण श्री विभाकर लेले (स्वामी योगेश्वरानन्द) यांनी या पुस्तकातून हातचे काहीही न राखता योग्यांना येणारे अनेकानेक अनुभव आणि अनुभूति योगसाधक आणि इतरेजनांच्या महितीसाठी आणि मार्गदर्शन व्हावे म्हणून यात प्रकट केले आहेत. योगातील कुंडलिनी आणि ज्ञानेश्वरांचा पंथराज यांबाबत व त्यामागील ज्ञानेश-तत्त्वज्ञानाबाबत अनुभवसिद्ध मार्गदर्शन त्यात आहे. शक्तिपातसाधकांच्या पण उपयोगाचे आहे. इतर योगविषयक ग्रंथातून जे मिळ्त नाही, संतांच्या लेखनातील जे सहजासहजी समजत नाही, ते लेखक सांगत आहेत. अभिज्ञ आणि चोखंदळ वाचक, योगी व योगसाधक, क्रिया व शक्तिपातसाधक, भक्त आणि ज्ञानी/कर्मयोगी या सर्वांनी जरूर वाचावा असा हा ग्रंथ आहे. विद्वान आणि ज्ञानेश साहित्याचे परिशीलन करणारे व अभ्यासक यांना हा ग्रंथ समजावून घेतल्याशिवाय ते ज्ञानेश वाङ्मय समजणे अवघडच आहे, इतका हा ग्रंथ उपयुक्त आणि त्यांच्या ज्ञानकक्षा वाढवणारा आहे. याचा पूरक ग्रंथही खासच आहे: तो आहे Pothi.com वरच असलेला ई-प्रत तसेच अग्दी उत्तमरीत्या छापलेला - 'योगदा श्री ज्ञानेश्वरी हा द्विखंडात्मक ग्रंथराज. अंंदाजे १४५० A-4 आकारांच्या पृष्ठांचा, double-column मध्ये सुवाच्य टंकात असलेला, सुंदर मुखपृष्ठाचा बृहद् ग्रंथराज ज्यात संपूर्ण ज्ञानेश्वरीचे विषयवार प्रबोधन, अम्रुतानुभवाचा विशेष भाग आणि माउली श्री ज्ञानेश्वर मुख्यत: आणि इतर संतांचे मिळून अदमासे ३०० योग-ज्ञान-भक्तिपर गूढ अनुभवांचे सार्थ सखोल विवरण करणारा हा ग्रंथ विद्वान आणि अभ्यासू यांच्यासह साधकांचा मर्गप्रदीप्च आहे जणू! सद्गुरु आता मिळत नाहीत. पण तरीही तेवढेच अनुभवाधारित मार्गदर्शन यात आहे.