'घरबसल्या काझीरंगा सफारी' हे पुस्तक डॉ विजय पालवे यांनी लिहिले असून ते भारतीय वन सेवेत (IFS) अधिकारी आहेत. डॉ विजय पालवे हे काझीरंगा, आसाम येथे ऑगस्ट २०१८ ते मार्च २०१९ या काळात सहाय्यक वनसंरक्षक (Assistant Conservator of Forest) या पदावर कार्यरत होते. सदर पुस्तक हे त्यांना आलेल्या अनुभवातून आणि वाचनातून आलेल्या माहितीवर आधारित लिहिले गेले आहे. वाचकांना वाचत असताना अगदी काझीरंगामध्येच फिरतानाचा अनुभव देण्यासाठी जवळजवळ सर्वच प्रकरणात समर्पक असे फोटो वापरण्यात आले आहेत. तसेच ज्यांना आसाम आणि काझीरंगा दौरा करण्याचा प्लॅन आहे त्यांना काझीरंगा जास्त जवळून अनुभवण्यास हे पुस्तक नक्कीच मदत करेल ह्यात शंका नाही. पुस्तकात दिलेली सर्व मते हि केवळ लेखकाची स्वतःची आहेत.