ಕೊಳ್ಳೇಗಾಲದ ನಿವಾಸಿಯಾಗಿರುವ ವಿಜಯಲಕ್ಷ್ಮಿ ಎಂ ಎಸ್ ರವರು ಪ್ರೌಢಶಾಲಾ ದಿನಗಳಿಂದಲೂ ಸಾಹಿತ್ಯ ಕೃಷಿಯಲ್ಲಿ ಆಸಕ್ತಿ ಬೆಳೆಸಿಕೊಂಡಿದ್ದಾರೆ. ಗೃಹಿಣಿಯಾಗಿರುವ ಇವರೀಗ ಕರ್ನಾಟಕ ಮುಕ್ತ ವಿಶ್ವವಿದ್ಯಾಲಯದಲ್ಲಿ ಕನ್ನಡ ಎಂ ಎ ಮಾಡುತ್ತಿದ್ದಾರೆ. ಕೊಳ್ಳೇಗಾಲದ ಮುಕ್ತ ಸಾಹಿತ್ಯ ವೇದಿಕೆಯ ಆರಂಭಕರ್ತೆಯರಲ್ಲಿ ಒಬ್ಬರಾಗಿದ್ದಾರೆ. ಓದುವುದು, ಹಾಡುವುದು, ಲೇಖನ, ಕಥೆ, ಕವನ, ಲಾವಣಿಗಳನ್ನು ಬರೆಯುವುದು ಇವರ ಹವ್ಯಾಸಗಳಾಗಿವೆ. ಇದು ವಿಜಯಲಕ್ಷ್ಮಿಯವರ ಮೊದಲ ಕವನ ಸಂಕಲನ. ಈಗಾಗಲೇ ಅವರ ೩-೪ ವಾಕ್ಯಗಳ ಪುಟ್ಕಥೆಗಳ ಕಥಾ ಸಂಕಲನ "ಸುವಿದನಿ" ಇ-ಪುಸ್ತಕವಾಗಿ ಪ್ರಕಟವಾಗಿದೆ.