ಕೊಳ್ಳೇಗಾಲದ ನಿವಾಸಿಯಾಗಿರುವ ವಿಜಯಲಕ್ಷ್ಮಿ ಎಂ. ಎಸ್ ರವರು ಪ್ರೌಢಶಾಲಾ ದಿನಗಳಿಂದಲೂ ಕವನ ರಚಿಸುವ ಹವ್ಯಾಸ ಬೆಳೆಸಿಕೊಂಡಿದ್ದು, ಕಳೆದು 3 ವರ್ಷಗಳಿಂದ ಈ ಪುಟಾಣಿ ಕಥೆಗಳನ್ನು ಬರೆಯುವ ಅಭ್ಯಾಸ ಮಾಡಿಕೊಂಡಿದ್ದಾರೆ. ಎರಡು-ಮೂರು ವಾಕ್ಯಗಳಲ್ಲಿ ಮುಗಿಯುವ ಈ ಕಥೆಗಳನ್ನು ಬರೆಯಲಾರಂಭಿಸಿದ ಗೆಳತಿ ಜಿ.ಸುಧಾರವರಿಂದ ಪ್ರೇರಿತರಾಗಿ ಬರೆಯಲಾರಂಭಿಸಿದ್ದು, ಇದು ಕನ್ನಡದಲ್ಲಿ ಹೊಸ ಪ್ರಕಾರವಾಗಿದೆ. ತಮ್ಮ ಸುತ್ತಮುತ್ತಲು ನಡೆಯುವ ಘಟನೆಗಳನ್ನೇ ಆಧಾರವಾಗಿಟ್ಟುಕೊಂಡು ಕಥೆಗಳನ್ನು ರಚಿಸಿದ್ದಾರೆ. ಗೃಹಿಣಿಯಾಗಿರುವ ಇವರೀಗ ಕರ್ನಾಟಕ ಮುಕ್ತ ವಿಶ್ವವಿದ್ಯಾಲಯದಲ್ಲಿ ಕನ್ನಡ ಎಂ.ಎ ಮಾಡುತ್ತಿದ್ದಾರೆ. ಜೊತೆಗೆ ಕೊಳ್ಳೇಗಾಲದಲ್ಲಿ ಮುಕ್ತ ಸಾಹಿತ್ಯ ವೇದಿಕೆಯ ಆರಂಭಕರ್ತೆಯರಲ್ಲಿ ಒಬ್ಬರಾಗಿದ್ದಾರೆ. ಓದುವುದು, ಹಾಡುವುದು, ಲೇಖನ, ಕವನ, ಕಥೆ, ಬರೆಯುವುದು ಇವರ ಹವ್ಯಾಸಗಳಾಗಿವೆ.